මගේ බබා එන්න ළඟයි

ලිව් ටයිලර් ප්‍රකට හොලිවුඩ් නිළියක්. ලෝර්ඩ් ඔෆ් ද රින් ග්ස් චිත්‍රපට පාලාව ඇතුලු නිර්මාණ කිහිපයකටම ඈ දායක වී තිබෙනවා.

38 හැවිරිදි ටයිලර් මේ දිනවල සිය තෙවන දරුවා ලැබීමට සූදානම් වෙමින් සිටිනවා. ඈ මේ වෙද්දී අවුරුදු 11 ක සහ අවුරුද්දක වයසැති පුතුන් දෙදෙනකුගේ මවක්.

මෑත දිනෙක ටයිලර් සුන්දර ඡායාරූපයක් සිය ඉන්ස්ටග්‍රෑම් පිටුව ඔස්සේ පළ කළා. මිතුරියක සමඟ පෙනී සිටින කලුසුදු ඡායාරූපයක් වූ එහි ඈ සිය ටී-ෂර්ට් එක ඔසවා ඉදිරියට එරා ඇති උදරය නිරාවරණය කරමින් සිටිනු දකින්නට පිළිවන්.

එමෙන්ම ඇයත් ඇගේ මිතුරියත් එකිනෙකා දෙස අත් දිගු කරගෙන සිටින්නේ ළං වන්නට මෙන්.

කොදෙව්වෝ ඉන්දියාව පරදති (අවසන් ඕවරයේ වීඩියෝව​)

ඊයේ දිනයේ මුම්බායි නගරයේ පැවති ලෝක කුසලාන විස්සයි විස්ස තරඟාවලියේ දෙවන අවසන් පූර්ව තරඟයේදී ඉන් දියාව පරදා විශිෂ්ට ජයක් ලැබීමට බටහිර ඉන්දීය කොදෙව්වෝ සමත් වූහ​.

ඉන්දියාව කඩුලු 2 ක් පමණක් දැවී ලකුණු 192 ක් ලබා ගත් අතර කොදෙව් ඉනිම මුලදීම ක්‍රිස් ගේල් සහ මාලන් සැමුවෙල්ස් දැවී යාමෙන් ඔවුන් අපහසු තත්ත්වයකට පත් වූහ​. නමුත් ලෙන්ඩල් සිමන්ස්, ජොනතන් චාර්ල්ස් සහ අන්ඩ්‍රෙ රසල් තරඟය ඉන් දියානුවන් ගෙන් උදුරා ගත් හ​.

ඉන්දියානු නායක දෝනි තරඟයේ අවසන් ඕවරය යැවීමට තෝරාගත්තේ විරාත් කෝලි ය​. නමුත් ඕවරයේ 4 වන පන් දුවෙන් එල්ල කළ දැවැන්ත හයී පහරක් සමඟ කොදෙව්වෝ තරඟය ජයගත් හ​.