හැම ගැහැණු කෙනෙකුටම තන් දෙකක් තියෙනවා වගේ රුවංගිටත් තන් දෙකක් තියෙනවා. ඉතින් එහෙම නම් රුවංගිගෙ තන් දෙකේ පදාසයක් පෙනෙන්න ඇඳගෙන ගිය එක හැමෝටම රස කර කර කියවන්න සිද්ධියක් වුණේ ඇයි? මේ අය නිර්මාණය කරන ලෝකය මොකක්ද?
යුරේනිගෙ සිද්ධියේ නම් ඈ ලේබල් එක ගලෝපු නැති ලෙගින්ස් ඇඳගෙන හිටපු නිසා ඒක වැරදීමෙන් වෙච්ච දෙයක් වෙන්නත් පුලුවන්. ලෙගින්ස් අස්සෙන් ලයිට් එළියට එයාගෙ පෑන්ටිය පෙනෙයි කියලා යුරේනි හිතන්න නැතුව ඇති. නමුත් තමන් ඇඳගෙන යන ඇඳුම ගැන රුවංගි නොදැන හිටියා නෙවෙයි නෙ. එහෙනම් රුවංගි එයාගෙ තනේ පෙන්නුවෙ ඒකෙන් එයාව මාර්කට් වෙන බව දැනගෙනයි.
ෆේස්බුක් එකේ සහ ගොසිප් සයිට්වල අය රුවංගිගෙ තනේ දැක්කෙ මාර්කට් කරන්න පුලුවන් වෙළෙඳ භාණ්ඩයක් විදියට. "ආ! වරෙල්ලා! මෙන්න රුවංගි තනේ පෙන්නපු හැටි" කියලා කට්ටියක් කෑ මොර දෙනවා. අපි ඒක බලල ඒ ගැන කමෙන්ට් කරනවා. මීම්ස් හදනවා. එව්ව ආයෙ මාර්කට් වෙනවා. මේ විදියට අපි සේරම බාගෙට පෙනෙන තන් දෙකක් වටේ කැරකෙනවා. අන්තිමට තනේ පෙන්නලා රුවංගි ජනප්‍රිය වෙනවා. තනේ විකුණලා ගොසිප් සයිට් හිට්ස් වැඩිකරගෙන මාර්කට් වෙනවා.
ඇතැම්විට මිනිස්සු එක එක කතා කියාවි රුවංගි ගැන. "නිළියො ඔක්කොම එකයි, ලැජ්ජ නැති උන්, ඕක තිබ්බ කියල පෙන්නන්න ඕනද?" වගේ අහවි. යුරේනි ගැනත් මේ වගේම දේවල් කියැවුණා මතක ඇති. සමහර තැන්වල තිබුණෙ "අපි පුදුම වෙන්න ඕන යුරේනි ගේ ජංගිය පෙනීම ගැන නොව යුරේනි ජංගියක් ඇඳගෙන සිටීම ගැනයි" කියලත් තැනක දාල තිබුණා.
මේ වගේ දේවල් ගැන කතා හැදෙද්දි රුවංගිවත් මිනිස්සු ප්‍රශ්න කරාවි. සමහරවිට එයත් සමාව ගනීවි, යුරේනි කළා වගේ. "මගෙ අඟ පසඟ (දෙතන) ටිකක් වැඩිපුර පෙනුණා තමා. මම් හිතුවෙ නෑ ඒක ලොකු ප්‍රශ්නයක් වෙයි කියල" කියාවි. එච්චරයි. අන්තිමට අපට රුවංගිව කලක් යනකල් මතක තියේවි.
ඔන්න අපි ඔක්කොමල්ල එකතුවෙලා එක ගැහැණියකගෙ තන් දෙකක් මාර්කට් කළම වෙන දේ. ඕක නොදැනගන්න රුවංගි නම් බබෙක් නෙවෙයි. බබාලා වෙලා තියෙන්නෙ රුවංගිගෙ 'තනෙන් කිරි බොන' අනික් අය.
යුරේනිගේ ජංගිය ගැනත් කියවමු මේ ලින්ක් එකෙන්
No comments:
Post a Comment