නිරුවත් වෙන්න ගිහින් මට්ටු වූ මන්ත්‍රීතුමිය​

පහුගිය දවස්වල සිංහල වෙබ් අඩවි කීපයකම වාර්තා වූ කතා පුවතකින් කියැවුනේ එක්තරා බස්නාහිර පළාත් සභා මන්ත්‍රීවරියක විසින් ෆේස්බුක් හරහා කරන ලද ප්‍රකාශයක්. මෙය වාර්තා වුනේ "අද දිවුලපිටිය රැළියේදී මම නිරුවත් වෙනවා" යන සිරස්තලයෙන්.

මීට හේතු වෙලා තිබුණේ මේ කියන තරුණ මන්ත්‍රීවරිය මෑතකදී සිදු කළ ප්‍රකාශයක් හා ඒ ඔස්සේ මතුවූ ක්‍රියාදාමය​. ඒකට හේතු වුනේ ඈ එක්තරා ඇමතිවරයකුගේ තකතීරු කතාවක් සාධාරණීකරණය කරන්නට ගොස් අනා ගැනීම​.

හිටපු ජනාධිපතිනිය නිර්වස්ත්‍ර කර පාරදිගේ ඇදගෙන යා යුතු වග මේ කියන ඇමතිවරයා කියූ බව තමයි වාර්තා වුනේ. මේ ඇමතිවරයා 2001 සිටම හිටපු ජනාධිපනියට එරෙහිව කටයුතු කළ අයෙක් කියලා තමයි අපට මතක​. නමුත් ඊට පෙර අවුරුදු ගණනක් ඔහු ජනාධිපතිනිය ආරක්‍ෂා කරමින්, ඇගෙන් ආරක්‍ෂා වෙමින් සිටි බව නොරහසක්.

ඇගෙන්ම ආරක්‍ෂා වූ සහ ඇයව ආරක්‍ෂා කළ ඔහු දැන් ඇයට සළකන්නට අවශ්‍යයි කියන්නේ අර ආකාරයෙන්. අවාසනාව කියන්නේ මේ කියන පුද්ගලයා තම දේශපාලනය පටන් ගෙන ඇත්තේ සමාජ සාධාරණත්වය ගැන කතා කරන වාමාංශික ව්‍යාපාරයෙන් වීමයි.

කෙසේ වුනත් මේ ප්‍රකාශය පිළිබඳ නිදහස් පක්‍ෂ කාන්තා නියෝජිතවරියන් සහභාගී වූ මාධ්‍ය සාකච්ඡාවකදී මේ තරුණ මන්ත්‍රීවරිය අමාරුවේ වැටුනේ එම ප්‍රකාශය සාධාරණීකරණය කිරීමට යාමෙන්.

ඇය විසින් කරන්නට තිබුනේ එය නොවෙයි. ඒ අවස්ථාවේ ඇයට ඒ බව වැටහුණේ ඇගේ දිස්ත්‍රික්කයේම වෙනත් මන්ත්‍රීවරියක විසින් ඈ බේරා ගත් ආකාරයෙන්.

ඇය කළ යුතුව තිබුණේ එම ප්‍රකාශය හෙලා දැකීමයි. අන්තිමට වුනේ අහක යන කුණු ගොඩක් තමන් මත්තේ දමා ගැනීමයි.

එයින් ද නොනැවතී ඈ ඒ වගේම ප්‍රකාශයක් කරන්නේ ෆේස්බුක් හරහා. දිවුලපිටියේ ජනරැළියකට ආරාධනාවක් පළ කරන ඇගෙන් එක් අයෙකු අසන්නේ ඔබ එදින නිරුවත් වෙනවාද​? කියායි. එයට ඈ දෙන පිළිතුරත් සමඟ තමයි කතාව හැදෙන්නේ.

ඈ මුලින් කී මාධ්‍ය සාකච්ඡාවේදී නිරුවතට විවිධ අරුත් ඇති බව ප්‍රකාශ කළා. ඇත්තෙන්ම දේශපාලනයේදී එය සත්‍යයක්. කෙනෙක්ගේ ඇඳුම් ගැලවීම වගේම කෙනෙකුට ඇඳුම් ඇඳගෙන හිටියත් ලජ්ජාව වසා ගන්නට බැරි දෙයක් එළි කිරීම කියන දෙකම දේශපාලනයේදී නිරුවත් කිරීමක් වෙනවා. අපේ තරුණ මන්ත්‍රීවරිය අදහස් කළේ එයින් කුමක්ද කියන්න අප දන්නේ නැහැ. ඒ වගේම ඒ දෙකම නොවී වෙනත් අදහසක් වුනත් වන්නට පුලුවනි.

නමුත් සමාජ ජාල භාවිතා කරන දේශපාලකයින් මෙන්ම සාමාන්‍ය අයත් අනවශ්‍ය විහිලු කෙරෙන් ඈත් වීම ඔවුනට වගේම රටටත් යහපත් වග කිව යුතුයි. විශේෂයෙන්ම කාන්තාවක් වුනාම ඒ ගැන සැළකිලිමත් විය යුතුයි. මොකද එවැනි ක්‍රියාවක් අනෙක් කාන්තාවන් වුනත් අපහසුතාවට පත් කරන්නක් නිසා.

යහපාලනය කන්නද​?

ලංකාවේ දේශපාලනය ඉතා වේගයෙන් එහාට මෙහාට දෝලනය වෙමින්, කැරකෙමින් පවතී. මේ තත්ත්වය ඇති වුණේ පහුගිය මාසයේ 21 වනදා එක්වරම මතුවූ පොදු අපේක්‍ෂකයා හේතුවෙනි. වැලේ වැල් නැතිව සිටි විපක්‍ෂයට නව ජීවයක්ද, පොර ටෝක් දෙමින් සිටි ආණ්ඩුවට මහත් හිසරදයක්ද බිහි වූයේ එලෙසය​.

මේ අවස්ථාව වනවිට ලංකාවේ දේශපාලන ක්‍ෂේත්‍රයේ විශාල විවාදයක් ඇතිවී ඇත්තේ 2015 ජනාධිපතිවරණය සමඟය​. රාජ්‍ය මාධ්‍ය රාජපාක්‍ෂිකත්වයෙන් යුතුව කඩේ යද්දී පෞද්ගලික මාධ්‍ය සමහරක්ද මෛත්‍රී පාලනයක් වෙනුවෙන් කඩේ යනු දකින්නට ලැබෙනවා.

රජය පැත්තෙන් ඉදිරිපත් වන මූලික තර්ක කිහිපය මේ දිනවල ෆේස්බුක් වැනි සමාජ ජාලවල සාකච්ඡා වෙමින් පවතිනවා. එනම් යුද්ධය නැවැත්තුවා, රටේ පාරවල් හැදෙනවා සහ රට සංවර්ධනය වෙනවා කියන කරුණු නැවත නැවත පුනරුච්චාරණය කිරීමයි. ඇත්තෙන්ම රජයට මේ ටිකත් ජාත්‍යන්තර කුමන්ත්‍රණ ගැනත් ඇරුණහම කියන්නට දෙයක් ඉතිරි වී නැහැ.

මේ අතරේ විපක්‍ෂය කියන්නේ රටේ දූෂණය ඉහ වහා ගොස් ඇති බවත් යහපාලනයක් නැති බවත්. මේ ගැන කියන ආණ් ඩුව සංවර්ධනය ගැන පැවසීමෙන් කියන්න උත්සාහ කරන්නේ 'යහපාලනය කන්නද​?' වගේ අදහසක්.

ඇත්තටම යහපාලනය කන්නද​?

මොකක්ද යහපාලනය කියන්නේ?

යහපාලනය කියන දේ හරියටම අර්ථ දක්වන එක ඕනෑම කෙනෙක්ට ඕනෑ විදියට කරන්න පුලුවනි. නමුත් පොදුවෙ ගත්තහම යහපාලනය කියන්නේ රජය කරවන අය පොදු මහජනතාවගේ සුභසිද්ධිය වෙනුවෙන් ඔවුනට වගකියන ආකාරයෙන් කටයුතු කිරීම කියලා අර්ථ දක්වන්න පුලුවනි. මේ අනුව යහපාලනය කන්න බැරි නමුත් ජනතාවට වඩා යහපත් සේවයක් රජයකින් සැලසෙන බවට යහපාලනය විසින් වගබලා ගැනෙනවා. ඒ වගේම තමන් පත් කරපු අය තමන් වෙනුවෙන් වැඩ කරන බවට හෝ නොකරන බවට ජනතාවටම බලාගන්නට ලැබෙනවා. මේ අර්ථයෙන් යහපාලනය ජනතාවට වැදගත් වෙනවා.

රජයක වියදම් වන්නේ කොහොමද​? නිලධාරීන් පත් කෙරෙන්නේ කොහොමද​? මාරු වීම් වෙන්නෙ කොහොමද​? නීතිය ක්‍රියාත්මක කරන ආයතන කටයුතු කරන්නේ කොහොමද​? මේ සියලු දේ ජනතාවට වැදගත්. මොකද​, කෙලින්ම නොවුනත් වක්‍ර ආකාරයෙන් මේ සියලු දේවල්වලින් ජනතාවගේ සුබ සිද්ධිය ගැන කතා කෙරෙනවා.

ජනතාවට බඩගින්න වගේම නිදහසත් වැදගත්. වැදගත් වෙන්නෙ මොකක්ද කියන එක ඇතැම්විට අවස්ථාව හැටියට වෙනස් වෙන්න පුලුවනි. උදාහරණයක් විදියට රටේ ඉරණම විසඳෙන යුද්ධයකදි, උදාහරණයක් විදියට එල්ටීටීඊ සංවිධානයට එරෙහිව කරන ලද සටන අවස්ථාවේ ජනතාව තම අනාගතය වෙනුවෙන් සහ නිදහස වෙනුවෙන් යම් යම් කැම කිරීම් කළා.

මේ අවස්ථාවේ ලාංකික ජනතාව යහපාලනය කියන සාධකය අනෙක් හැම දේකටම වඩා වැදගත් බවත් එය තම අනාගතය තීරණය කරන සාධකය බවත් විශ්වාස කළහොත් පොදු අපේක්‍ෂක මෛත්‍රීපාල සිරිසේනට ජනාධිපතිවරණය ජයගැනීමේ හොඳ අවස්ථාවක් තිබෙනවා. නමුත් එසේ නොවුනහොත් තත්ත්වය වෙනස් වන්න පුලුවන්. එවිට සමහර විටෙක මේ ජනාධිපතිවරණයේ ජයග්‍රහණය නැවතත් මහින් ද රාජපක්‍ෂටම හිමි වනු ඇති.

ඉන්දියාවේ පන්චායත් සභාවක 'බූරුවෝ' රැළක් ගැහැණියක බූරුවකු පිටේ හෙලුවෙන් ගෙනයති (18+)

ඉන්දියාවේ රාජස්ථාන් ප්‍රාන්තයේ ගම්මානයක අවුරුදු 45 ක කාන්තාවකට ඇගේ ගමේ පන්චායත් ගම් සභාව විසින් අමානුෂික දඬුවමක් ලබා දී තිබෙනවා. මෙහි නරකම කාරණය වන්නේ ඇයට මේ දඬුවම දී ඇත්තේ ඈ නොකළ වරදකට වීමයි.

නොවැම්බර් 2 වනදා මෙම ගමෙහි වසන වාර්දි සිං නැමැත්තෙක් මියගොස් තිබෙන අතර එය සියදිවි නසාගැනීමක් බවයි කියැවෙන්නේ. නමුත් මෙම මරණෙන් දින කීපයකට පසු ඔහුගේ නෑයින් විසින් ඔහුගේ නැන්දණිය වන කාන්තාවකට මේ ගැන චෝදනා කර තිබෙනවා. නමුත් මේ අය පොලිසි යනවා වෙනුවට චෝදනාව යොමු කර ඇත්තේ ගම් සභාවටයි.

තුර්වාල් නම් ගමේ ගම් සභාව තීරණය කර ඇත්තේ මේ කාන්තාව මරණයට වග කිව යුතු බවයි. මේ අනුව ඇයව ගම මැදට ගෙනවුත් නිරුවත් කර හිස බූ ගා ඇගේ මුහුණේ දැලි අඟුරු ගා තිබෙනවා. ඉන් පසුව ඇයව පැයක් තිස්සේ ගම වටේ නිරුවතින්ම ගෙනගොස් තිබෙනවා. නමුත් සමහර අවස්ථාවල ඉන්දියාවෙන් වාර්තා වෙන ආකාරයෙන් මේ කාන්තාව නම් නිරුවත් කර පයින් ගෙන ගොස් නැහැ. ඒ වෙනුවට ඇයව බූරුවෙක් පිට තමයි ගෙනගොස් තිබෙන්නේ.

මේ නම් රඟපෑමක්...

මේ සිද්ධියට වගකිව යුතු 30 දෙනෙක් අත් අඩංගුවට ගෙන තවත් 9 දෙනෙක් රඳවාගෙන තිබෙන බව වාර්තා වුණා.

ඉන්දියාවේ පන්චායත් සභාවලින් මේ වැනි කාන්තාවන් ලජ්ජාවට පත් කරපු අවස්ථා නිතර වාර්තා වෙනවා. ඔක්තෝබරයේදි ජාර්ඛාන්ඩ් ප්‍රාන්තයේ තරුණ කාන්තාවක් නිරුවතින් ප්‍රසිද්ධියේ ඇවිද්දවන ලැබුණේ දෑවැදි ප්‍රශ්නයක් අරභයා. ඒ වගේම ඊට පෙර වයස 60 ක කාන්තාවක යක්දෙස්සියකැයි චෝදනා කර නිර්වස්ත්‍ර කර ලයිට් කණුවක ගැටගැසූ සිද්ධියක් වාර්තා වුණා.

ඒ අතරෙම ගම් සභාවක් විසින් "අයථා" සම් බන් ධයක් ගැන චෝදනා කර තරුණ කාන්තාවක් සමූහ දූෂණය කිරීමට අණ දුන් අවස්ථාවකුත් මෑතකදී වාර්තා වුණා.

පන්චායත් සභාවල තීරණවලට නීතිමය බලයක් නැති වුණත් විශේෂයෙන් ඈත පළාත්වල ඒවාට විශාල බලයක් තියෙනවා. ඒ වගේම ගමක වැසියන් එකා වගේ මේ සභාවල තීරණවලට අනුව යමින් කටයුතු කරනවා දකින්න පුලුවන්. මෙහි තියෙන නරකම කාරණය නම් කිසිදු වරදක් නැතිව පවා කෙනෙක් මේ ආකාරයෙන් නින් දාවට ලක් කිරීමයි.

ඉන්දියාවේ අලුත් බීජේපී රජයට මෙවැනි ගල් යුගයේ ක්‍රමවේදයන් නැවැත්වීමට කටයුතු කිරීමේ වගකීමක් තිබෙනවා. අවුරුදු 66 ක් ඉන්දියාව පාලනය කරපු කිසිවෙකුට මේ තත්ත්වය නවත්වන්න බැරුව ගිය වග පැහැදිලියි. නමුත් අගමැති නරේන් ද්‍ර මෝඩි යම් යම් දැඩි තීරණ ගන්නට මැළි නොවන බව කවුරුත් පිළිගන්නවා. මෙවැනි සිද්ධිවලදී දැඩි තීරණ ගැනීම ඉතා අවශ්‍යයි.

රාජස්ථාන් ප්‍රාන්තයේද බලය බීජේපී පක්‍ෂය සතු වන නිසා මේ සිද්ධියේදී නීතිය අකුරටම ක්‍රියාත්මක වන බවට වග බලාගන්නට බීජේපීයට වගකීමක් තිබෙනවා. නමුත් මෙවන් පන්චායත් සභාවලට අමතක නොවන පාඩමක් ඉගැන්වීම ඉතා අවශ්‍ය කාරණාවක්.

අතුරු කතාවක්: මේ වැනි දේ වෙන්නේ ඉන් දියාව වගේ රටවල පමණද​? මීට අවුරුදු 70 කට කළින් ප්‍රංශයේ ගැහැණුන්ව අසල්වැසියන් විසින් මේ විදියටම හිස මුඩු කරලා ප්‍රසිද්ධියේ අඩ නිරුවතින් හෝ නිරුවතින් හෝ ඇවිද්දවාපු හැටි අපි කළින් දුටුවා.

හිතූ හිතූ ගණන් මිනිසුන් වළලන පත්තර​

මුලුමහත් ශ්‍රී ලංකාවම කම්පාවට පත් වූ කොස්ලන්ද නාය යෑම සිද්ධ වුනේ ඔක්තෝබර් 29 වනදා. මෙයින් 200 ක් පමණ පිරිසක් මරණයට පත් වන්න ඇති කියලා දැනට විශ්වාස කරනවා. මේ දන්නා ඉතිහාසයේ ලංකාවේ සිද්ධ වුන දරුණුම නායයාම කියලා තමයි සඳහන් වෙන්නේ.

මේ වගේ අවස්තාවක වැදගත් මාධ්‍ය ආයතන විසින් කරන්න ඕන දෙයක් තමයි නිවැරදි තොරතුරු ජනතාවට ලබා දෙන එක​. නමුත් සමහර පත්තර සහ විද්‍යුත් මාධ්‍ය කටයුතු කළේ එතරම්ම වැදගත් විදියට නෙවෙයි. හරියට තහවුරු කරගත්තු නැති තොරතුරු ප්‍රකාශ කිරීම එයින් එක උදාහරණයක්.

අනෙක් කාරණය තමයි මේ තොරතුරු පාවිච්චි කරපු ආකාරය​. අපි අය වැය අවස්ථාවේ දැක්කා එකම පුවත එක එක පත්තරවල එක එක විදියට පළ වෙච්ච ආකාරය​. ඒකෙන් නම් කියන්න පුලුවන් වෙන්නේ එක එක්කෙනා කඩේ යන ප්‍රමාණය​. නමුත් ජාතික විපතක් වෙලාවට මිය ගිය මිනිස්සු ප්‍රමාණය උලුප්පා දැක්වීම වගේම එය පහත ආකාරයෙන් පෙන්වීම කොච්චර සදාචාරසම්පන්නද කියන ප්‍රශ්නය ඇති වෙනවා.

මේ පින්තූරය හදලා තියෙන විදියෙන් හැබැයි පෙනෙන්නේ "සිලෝන් ටුඩේ 350 ක් වැළලෙයි" වගේ අදහසක්. වැරදීමකින් වුනත් මේගොල්ලො තමුන්ව විහින් වළලාගෙන තියෙනවාද කියලා හිතෙනවා.

නමුත් පසුව පැහැදිලි වුනේ මේ ප්‍රදේශයේ මේ වෙනකොට හිටියේ 200 ක පමණ පිරිසක් කියන එක​. ඒ වගේ හරියට තහවුරු නොකළ පුවත් ලොකුවට මවා පෑම හරිම ඛේදනීයයි. මියගිය මිනිසුන් ගණන එක්ක සෙල්ලම් කරනවාට වැඩිය වැදගත් මාධ්‍ය සදාචාරයක් මේ අයට නැද්ද කියන ප්‍රශ්නයක් අපට පැන නඟිනවා.

ප්ලේබෝයි සඟරාව කතෝලික ආගමත් විකිණූ හැටි: අඩ නිරුවතින් යේසුස්වහන්සේ සමඟ​ (18+)

අපි ළඟදි කතා කළා ජර්මන් ජාතික මොඩ්ල් කෙනෙක් බුද්ධ ප්‍රතිමාවක් උඩ හෙලුවෙන් ඉඳන් ගත්තු පින්තූර කීපයක් ප්ලේබෝයි සඟරාවේ පළවීම ගැන. මේ ගැන තමුන් හිතන දේ ඇහුවොත් ගොඩක් බෞද්ධ අය ඊට විරුද්ධ අදහස් දක්වන බව පැහැදිලියි. පහුගිය කාලෙ අහපු දැකපු දේවල්වලින් පේන්නෙ ඒ බව​. වෙන එකක් තියා, සමහරු ඒ කෙල්ලට දෙන්න විවිධ දඬුවම් පවා යෝජනා කරලා තිබ්බා.

නමුත් මේ ක්‍රියාවෙන් ඒ අය එයාලගේ මූලික අරමුණක් වෙච්ච තමුන්ව මාර්කට් කිරීම ලස්සනට කරගත්තා. යම් කිසි මිනිසුන් කොටසක් කුපිත කරවීමෙනුත් තමුන්ව මාර්කට් කරගන්න පුලුවන් බව ඔවුන් පෙන්නුම් කළා.

එහෙම නැතුව මේක එක සැරේම තනිකර බෞද්ධ විරෝධයක් කියලා කියන්න අමාරුයි. ඇත්තම කතාව මේ අයට ආගමක් නැහැ. විශ්වාස කරන්න බැහැ තමයි. නමුත් මේ ෆොටෝ එක බැලුවාම ඒ බව පෙනෙනවා.

මේකෙන් පෙන්නන්නේ යේසුස් වහන්සේ එක්ක අඩ නිර්වස්ත්‍රව ඉන්න කෙල්ලන් කීප දෙනෙක්. මේ එක පින්තූරයක් නෙවෙයි. මේ වගේ පින්තූර කීපයක්ම 2010 අවුරුද්දේ පිටවුනා. මේවා පළ වුනේ කතෝලික ආගම ඉතා ප්‍රබල පෘතුගාලයේ ප්ලේබෝයි සඟරාවෙ කලාපයක​.

කෙසේ වුනත් මේ සඟරාව නම් වෙලෙඳපොලට නිකුත් වෙන්න කළින් එයට ආපු විරුද්ධත්වය නිසා එය ඉවත් කරගනු ලැබුණා.

මේ වගේ ෆොටෝ ෂූට්වලින් පැහැදිලි වෙන්නේ ප්ලේබෝයි කොම්පැණියට ආගම වැඩක් නැති බව සහ ප්‍රසිද්ධිය සහ වෙලෙඳාම සඳහා ආගම වුනත් විකුණාගන්න සූදානම් බව​.

පටාචාරා කතා පුවත සහ නසියා ජැන්සන් කතා පුවත​ (18+)

පටාචාරා තෙරණින් වහන්සේගේ කතාව අපි ගොඩක් අය අසා තිබෙනවා. හිතුමතේ විවාහයක් කරගෙන, අන්තිමට සැමියා සහ දරු දෙන්නා අහිමි වෙලා පටාචාරාවගේ සිහි විකල් වෙනවා. අවසානයේදි ඇඟේ තිබුණ ඇඳුම් ද නැතිව නිරුවතින් දුව යන ඇයට මිනිස්සු ගල් ගහනවා.

නමුත් වාසනාවකට ඇයට බුදුන් වහන්සේ සිටින තැනට ලැබෙනවා. බුදුන් වහන්සේගේ කරුණාවන්ත හඬ අසන ඈ පියවි සිහියට එනවා. ඒ එක්කම ඇයට කාගෙන් හෝ උතුරු සලුවක් ලැබෙනවා විළි වසා ගන්නට​. ඉන් පසු ඈ බුදුන් වහන්සේගෙන් බණ අසා සත්‍යය අවබෝධ කරගන්නවා.

පටාචාරාවට තමන් ලෝකයට බැඳ තබන ආශාව​, තණ්හාව කියන දේවල් පිළිබඳ අවබෝධ වන්න ඇත්තේ පවුලෙන් පිටමං කර​, සැමියා සහ දරුවන් අහිමිව සහමුලින්ම කාත් කවුරුත් නැති තත්ත්වයට පත් වූ නිසා වෙන්න පුලුවන්. මුලින්ම ඇයට ඒ තනිකම දරාගන්න බැරි වෙනවා. ඒ නිසා අසරණ වෙන ඇයට අර විදියට පිස්සු හැදෙනවා. නමුත් ඇයට බුදුන් වහන්සේ දේශනා කරන ධර්මය වැටහෙන පසුබිමකට ඇගේ මනස එන්නේ ඈ තනි වී, කිසිම බැඳීමක් නැති වීමෙන් වෙන්න පුලුවනි.

පටාචාරාව මතකයට ආවේ වෙනත් තරුණියක් මෑතදී කරපු දෙයක් නිසා. සුප්‍රසිද්ධ ප්ලේබෝයි සඟරාව වෙනුවෙන් නිරූපණයේ යෙදෙමින් ජර්මන් නිරූපිකාවක් නැත්නම් මොඩ්ල් කෙනෙක් වන නසියා ජැන්සන් බුද්ධ ප්‍රතිමාවක් මත නැග ෆොටෝ ෂූට් එකක් කරපු බව දැන් ප්‍රසිද්ධ කාරණයක්.

බුද්ධ ප්‍රතිමාව ඉස්සරහ බ්‍රා එකක් සහ චූටි පෑන්ටියක් පමණක් ඇඳගෙන මුලින්ම පෙනී සිටින නසියා පස්සේ බ්‍රා එක නැතිව ජංගිය පිටින් බුද්ධ ප්‍රතිමාව මත ඉඳ ගන්නවා. අන්තිමට මේ ලැජ්ජා නැති කෙල්ල අමු හෙලුවැල්ලෙන් බුද්ධ ප්‍රතිමාව මත්තෙ දිග ඇදිලා සහ හිටගෙන පින්තූරවලට පෙනී ඉන්නේ තමන්ට තියෙන ඔක්කොම අවයව ලෝකයටම පෙනෙන විදියට​. (ඒ සමහර පින්තූර අපි මෙහි පෙන්වන්නේ නැහැ)

නසියා කරපු මේ වැඩේ ගැන අමනාපයට​, කේන්තියට පත් වූ බොහෝ අය ඇයට විරුද්ධ වුනා. මේ නිසා අන්තිමට නසියා ජැන්සන් ඈ කරපු දෙයට සමාව ගත්තා. නසියාගේ ට්විටර් ගිණුමේ පහත පණිවිඩය ඈ ලියා තිබ්බා.

"I never meant to disrespect Buddha, when I work i have to pose wherever I get told to pose, I'm really sorry ,I feel very bad, I removed it."

(මම බුදුන්ට අගරුවක් කරන්න හිතුවේ නැහැ. මගේ රැකියාවෙදි මට කියන විදියට ෆොටෝවලට පෙනී ඉන්න වෙනවා. මම සමාව අයදිනවා. මගේ හිතට මේ සිද්ධිය තදින් වැදුණා. මම පින්තූර අයින් කලා)

තමුන්ට කියන ආකාරයෙන් ෆොටෝවලට පෙනී ඉන්න වෙනවා කියන දේ ඇත්ත වෙන්න පුලුවනි. මොකද නසියා ජැන්සන් වගේ මොඩ්ල්ස්ලා කරන්නේ රස්සාවක්. ඒබව අපි කැමති වුනත් නැතත් පිළිගන්න වෙනවා. හෙලුවෙන් පින්තූරවලට පෙනී ඉන්න තමන්ට පොඩ්ඩක් හෝ තියෙන ලජ්ජාව නැති කරගෙන ඉදිරිපත් වෙන්න ඕන​. අපි කැමති වුනත් නැතත් ගැහැණුන් ගෙ නිරුවතට මාර්කට් එකක් තියෙනවා. ඒක තනිකර අසික්කිත පැත්තෙන් හෝ කලාව පැත්තෙන් හෝ වෙන්න පුලුවන්. කොහොම වුනත් ඒ මාර්කට් එකට සැපයීම දෙන එක තමයි මේ වගේ අය කරන්නේ.

මේ වගේ පින්තූරවලට පෙනී ඉන්නවා කියන්නේ කැමරා ශිල්පියා ඇතුලු කීප දෙනෙක් ඉස්සරහ මේ කෙල්ලො අමු හෙලුවැල්ලෙන් ඉන්නවා වගේම ඊට පස්සෙ ලෝකය වටේම ඒ අයගේ හෙලුව විකිණෙනවා. ඒ සඳහා රස්සාවක් විදියට ඒක කරන එකේ ගැටලුවක් නෑ.

නමුත් ආගමික සංකේතයක් එක්ක මෙහෙම සෙල්ලම් කරන්නේ ඇයි කියන එක ප්‍රශ්නයක්. මේකට ප්‍රධාන හේතුව වෙන්නේ මාර්කට් එකම තමයි. මේ වගේ දෙයක් කළාම මේ සඟරාව නිකම්ම ප්‍රොමෝට් වෙනවා. ප්ලේබෝයි කියන්නේ ප්‍රසිද්ධ සඟරාවක් වුනත් වෙලෙඳපොල තරඟය කාටත් පොදුයි. මේ වගේ අමුතු ප්‍රචාරයක් ලැබීම ඔවුනට හරි වටිනවා.

නසියා ජෙන්සන් හෙලුවෙන් බුදු පිළිමයක් මත ඉන්න පින්තූර දුටුවහම පටාචාරා කතාව මතකයට ආවේ ඒ දෙන්නාම බුදුන් හමුවේ එකම ඇඳුමෙන්, ඒ කියන්නේ උපන් ඇඳුමෙන් පෙනී හිටපු නිසා. පටාචාරා නම් ජීවමාන බුදුන් හමුවේ. නසියා නම් බුදුන්වහන්සේගේ පිළිරුවක් ළඟ. නමුත් පටාචාරා එයින් ජීවිතය අවබෝධ කරගත්තා. නසියා ජැන්සන් මේ සිද්ධිය තවත් එක සිද්ධියක් විතරයි.

මේ විදියට ඉන්නවා දකින කාටහරි ඒකිගෙ පස්ස පැත්තට දෙකක් ගහලා බිමට බස්සන්න හිතුනොත් පුදුමයක් නෑ

නසියා අර විදියට සමාව ගත්තත් එයා පෙනී හිටපු සඟරාව තමුන්ව මාර්කට් කරගෙන ඉවරයි. නසියා පවා තමුන්ව මාර්කට් කරලා ඉවරයි. සමාව ගත්තා කියන්නේ තවත් ප්‍රසිද්ධියට හේතුවක්. දැන් ඉතින් නසියා ජැන්සන් මේ විදියට ඉන්නවා දකින කාටහරි ඒකිගෙ පස්ස පැත්තට දෙකක් ගහලා බිමට බස්සන්න හිතුනොත් පුදුමයක් නෑ. නමුත් එදාටත් නසියා ප්‍රසිද්ධ වේවි. ඔන්න ඕකයි ඇත්ත​.

මේ නිසා ජීවිතේ හැටි තියා තමුන් කරපු දේ වරදක් විදියට නසියා ජැන්සන් ඇත්තටම තේරුම් ගත්තාද කියන සැකය මතු වෙනවා.

අසල්වැසියන් විසින් නිරුවත් කෙරුණ ප්‍රංශ කාන්තාවන් (18+)

යුද්ධය කියන්නේ කිසිම අවස්ථාවක යහපත් දෙයක් නෙවෙයි. ඒ වගේම සාමාන්‍යයෙන් පවතින තත්ත්වයට වඩා වෙනස් සමාජ තත්ත්වයක් යුද්ධයෙන් නිර්මාණය වෙනවා. විශේෂයෙන්ම යුද්ධයක වෙනසක් සිදුවන අවස්ථාවල ආපහු සිවිල් පාලනය ඇති වෙන්න කල් යනවා. මෙහිදී ලැබෙන නරුම නිදහස ඇතැම් අය බොහොම නරක විදියට යොදා ගන්නවා.

සොල්දාදුවන් අතින් අකටයුතුකම් සිදු වීම ඇතැම් යුද්ධවලදි අහන්න ලැබෙන දෙයක්. නමුත් එයින් ඇත්ත කතාව එලියට එන්නෙ සමහර වෙලාවට පමණයි. උදාහරණයක් විදියට දෙවන ලෝක යුද්ධය නිම වුනාට පස්සේ සෝවියට් හමුදා සෙබලුන් විසින් නැගෙනහිර යුරෝපයේ කරන ලද අකටයුතුකම් සහ ස්ත්‍රී දූෂණ වගේ අපරාධ බටහිර මාධ්‍යවලින් වාර්තා වෙනවා. ඒ ගැන කතා වෙනවා. නමුත් ස්පාඤ්ඤ සිවිල් යුද්ධය කාලෙ ෆ්‍රැන්කෝගෙ හමුදා වගේම ඇතැම් වෙලාවට දෙවන ලෝක යුද්ධය කාලෙම මිත්‍ර පාර්ශවික හමුදා කරපු දේවල් ගැන සඳහන් වෙනවා අඩුයි.

නමුත් සමහර වෙලාවට විදේශවලින් ආපු සොල්දාදුවන්ට වඩා තමුන් ගෙම අසල්වැසියන් අතින් පීඩාවට පත් වෙන්නට සිදු වුන අය අප්‍රමාණයි. මෙයින් ප්‍රධාන වශයෙන්ම කියවෙන්නේ ප්‍රංශ ජාතිකයන් ගැන​.

1940 ජුනි මාසයේ ප්‍රංශය ජර්මනියට යටත් වූ පසු පැරිසිය ඇතුලු කොටසක් ජර්මනිය විසින් පාලනය කෙරුණා. ජර්මන් හිතවාදී රජයක් විචි කියන නගරයේ පිහිටෙව්වා. බොහෝ ප්‍රංශ ජාතිකයන් ජර්මනියට එරෙහි වුනාට සමහරු ඔවුනගේ පැත්ත ගත්තා. මෙයින් ඔවුනට වාසි සිදු වෙන්න ඇති. ඇතැම් අය තම අසල්වාසීන් පාවා දෙන්න පවා ඇති.

1944 දි ප්‍රංශයේ හිටපු ජර්මානුන් පළවා හැරුණා. මෙහි උච්ඡම අවස්ථාව වුනේ අගෝස්තු 25 පැරිසියට මිත්‍ර හමුදා පැමිණීම​. ජර්මන් හමුදා පිටව යද්දි මිත්‍ර හමුදා එන්නට කළින් බොහෝ නගරවල බලය අල්ලා ගත්තේ ජර්මනියට එරෙහිව සටන් වැදුණ ප්‍රංශ විමුක්තිකාමීන්. ඔවුන් ජර්මෛයට පක්‍ෂ වූ අයගෙන් පළි ගන්න පටන් ගත්තා. ඒ සමඟම තමන් සහ රට පාවා දුන්නා කියලා සැක කරපු ප්‍රංශ ජාතිකයන් අනෙක් අයගේ ප්‍රහාරවලට ලක් වුනා.

දකුණු ප්‍රංශයේ මාර්සේයි (Marseilles) නගරය අසළ ගමකදී

මේ අතරින් ම්ලේච්ඡතම ප්‍රහාරයන්ට අහු වුනේ කාන්තාවන්. ජර්මන්කාරයින් එක්ක නිදිවැදුන ප්‍රංශ කාන්තාවන් නගරවල ප්‍රධාන චතුරශ්‍රවලට ගෙනවිත් ප්‍රසිද්ධියේ අපකීර්තියට ලක් කෙරුණා.

මේ හැම ගැහැණියකගේම වගේ හිස මුඩු කෙරුණා. ඉන් පසුව ඔවුන් නගර දිගේ පාගමනින් රැගෙන යනු ලැබුණා. වාසනාවන්ත වූ ගැහැණුන්ට අඩු තරමින් යට ඇඳුමකින් හෝ විළි වසාගන්න ඉඩ ලැබුණා.

සමහර කාන්තාවන් ගේ හිස මුඩු කර උඩුකය ඇඳුම් අයින් කරලා, එයාලගේ තන්වල ස්වස්තික ලකුණු කරලා නගර හෝ ගම්මාන හෝ දිගේ රැගෙන ගියා. සමහර වෙලාවට ගැහැණු එකා දෙන්නා වගේම​ ලොකු නගරවල නම් ගැහැණු කණ්ඩායම් මේ විදියට අරගෙන ගියා.

සමහර වෙලාවට මේ කාන්තාවන් සමාජමය වශයෙන් උපරිම ලෙස ලජ්ජාවට පත් කෙරුණා. කොයි විදියෙන් අරන් ගියත් ඒ අයට සමාජයට මූණ දෙන්න අපහසු වුනා.

නමුත් ඒ සමහර අයට​​, හරියට මේ කෝර්සිකානු තරුණියට වගේ, දෙනෝදාහක් බලාගෙන ඉඳිද්දි අමු හෙලුවැල්ලෙන් ඇවිද යන්නට සිද්ධ වුණා.

මේ සිදුවීම් ප්‍රංශ ජනතාවගේ ජර්මනිය කෙරේ කැකෑරෙමින් පැවැති වෛරය පෙන්නනවා වගේම ඒ වෛරය පරපීඩකත්වයක් කරා ගිය හැටි පෙන්නුම් කෙරෙනවා. හිස මුඩු කර ලජ්ජාවට පත් කිරීමෙන් නැවතුනේ නැති ඇතැමුන් ගැහැණුන් ගේ තන්වල ස්වස්තික ලකුණු කරන්නත් හෙලුවෙන් නගර දිගේ අරගෙන යන්නත් හේතු වෙන්න ඇත්තේ වෛරයටත් වඩා පරපීඩක කාමුකත්වයක් වෙන්න බැරි නැහැ. කෝර්සිකාව වගේ දූපතක නම් සාමාන්‍යයෙන් පළි ගැනීම​, "ඇසට ඇසක්" කියන සංකල්පය අතීතයේදි තිබුණා. ඒ වුනත් මේ සමහර සිදුවීම් තනිකරම වෛරය පමණක් නිසා වුනා වෙන්න බැහැ කියා හිතෙනවා.

ජර්මන්කාරයෙකුගෙන් ලැබුණ දරුවකු සමඟ​

බටහිර යුරෝපයේ මෑත ඉතිහාසයේ අරාජිකත්වය පිළිබඳ දරුණුම උදාහරණයක් වූ මේ ගැන කතා කරනවා දකින්න අඩුයි. ඒ වෙනුවට වෙනත් ජාතීන් විසින් ගැහැණුන් වෙත කරපු අපරාධ ගැන නම් බටහිර මාධ්‍ය අදත් කියවනවා විටින් විට දකින්න පුලුවනි.

බොදු බල සේනා - RSS 'දීගය' කෙරෙයිද​?

බොදු බල සේනා සංවිධානයේ මහලේකම් ගලගොඩ අත්තේ ඥානසාර හාමුදුරුවන් ළඟදී ප්‍රකාශ කරලා තිබුණා තම සංවිධානය ඉන්දියාවේ රාෂ්ත්‍රීය ස්වයම්සේවක් සාංග් හෙවත් ආර්. එස්. එස්. සංවිධානය සමඟ බෞද්ධ-හින්දු සාම කලාපයක් පිහිටුවීම ගැන සාකච්ඡා කරන බව​.

මේ ආරංචිය එක්තරා ආකාරයකට අරුමයකුත් නෙවෙයි. මොකද ලංකාවේ ජාතිකවාදී කණ්ඩායම් සහ ඉන් දියාවේ භාරතීය ජනතා පක්‍ෂය අතර සහයෝගීතාව ගැන කටකතා සහ උපකල්පන බොහෝ කාලයක සිට එන නිසා.

නමුත් අනිත් අතට මේක ටිකක් හිතාගන්නට අපහසු කතාවක්.

බොදු බල සේනාව පැත්තෙන් ගත්තොත් ඒ අයට මේක ලොකු වාසියක් ගෙනෙයි කියලා එක සැරේ විශ්වාස කරන්න බැහැ. ඉන්දියාව ගැන හිතන්න කළින් බොදු බල සේනාව ලංකාවේ ඉන්නා හින්දු අය එක්ක එකඟතාවයකට එන එක ගැනත් නිතර කියවමින් සිටියා. නමුත් අපි අමතක කරන්න නරකයි, ලංකාවේ ඉන්නා හින්දූන් හැමෝම වගේ දෙමළ ජාතිකයන් බව​. ඉන්දියාවේ එහෙම නෑ.

ලංකාවේ දෙමළ මිනිස්සුන් ගෙ පක්‍ෂය වගේ පෙනී සිටින ටී. එන්. ඒ. එකට ඉන්දියාවේ මහ ආණ්ඩුව ගැන යම් බලාපොරොත්තුවක් තියෙනවා. ඒ 13 වෙනි සංශෝධනය ක්‍රියාත්මක කරන්න උදව් කරාවි කියලා. නමුත් බොදු බල සේනාව ඊට විරුද්ධයි.

ආර්. එස්. එස්. එක කියන්නේ බී. ජේ. පී. පක්‍ෂයේ ප්‍රධානම සංඝටක කණ්ඩායමක්. අගමැති මෝඩි පවා එහි සාමාජිකයෙක්. ඉතින් කොහොමද බොදු බලය ඉන් දියාවේ හින්දූන් එක්ක එකතු වෙලා ලංකාවේ හින්දූන් එක්ක එකමුතු වෙන්නෙ?

අනෙක් අතට​, බොදු බල සේනාව කියන්නේ ලංකාව වෙනුවෙන්, බෞද්ධයින් වෙනුවෙන් හඬ නගනවා කියන කණ් ඩායමක්. බී. ජේ. පී හෝ ආර්. එස්. එස්. හෝ කියන්නේ ඉන්දියාව පළමු තැන තියාගෙන කටයුතු කරන පක්‍ෂ නැත්නම් සංවිධාන​. එතකොට රටවල් දෙක අතර වෙනස්කම් ඇති වුනොත් එතනදි බොදු බලය ගන්නේ කාගෙ පැත්තද​?

ධීවරයින් ගෙ ප්‍රශ්නෙදි, ටී. එන්. ඒ. එක ගන්නේ කොයි පැත්තද​? බී. ජේ. පී. එක ගන්නේ කාගෙ පැත්තද​? බොදු බලේ ඒ ගැන කියලා තියෙන්නේ මොනවද​? (මුකුත් නැහැ).

අපේ අදහස නම් ආර්. එස්. එස්. - බොදු බල සේනා හරියන දීගයක් නෙවෙයි. ඥානසාර හාමුදුරුවෝ බොරු කියලා ඉල්ලාගෙන කන්න හදනවා වගේ පෙනෙන්නේ.

බන්දුල තියා වයිමාටත් නවත්තන්න බැරි අම්මාගේ අලුත් බෝයි ෆ්‍රෙන්ඩ්

බන්දුල ගුණවර්ධන ඇමතිතුමා අපේ රටේ ඉතා වැදගත්ම අමාත්‍යාංශයක් වන අධ්‍යාපන අමාත්‍යාංශයේ ඇමතිතුමා. ඒ කියන්නේ රටේ ළමා පරපුර ලොකුම විපර්යාසයකට ලක් කරන්නට හැකියාව තියෙන බොහොම බලගතු ඇමතිවරයෙක්. අවාසනාවට වගේ එතුමා වැඩිපුර ප්‍රසිද්ධ වෙලා තියෙන්නේ ඇමතිවරයෙක් විදියට නෙවෙයි, විහිලුකාරයෙක් විදියට​.

ඒ වගේම රටේ අධ්‍යාපනය යන අත බලාපුවාම පෙනෙන්නේ එක්කෝ ඇමතිතුමාට මොකක් හෝ වරදක් වෙලා කියන එකයි. නැත්නම් ඔහු තනිකරම වැඩක් කරන්නට බැරි හරි බලයක් නැති හරි කෙනෙක්.

මෑතකදී සිදු වූ දේවල් එක්ක බලද්දි නම් පැහැදිලි වෙන්නේ ඇමතිතුමා සමහර වෙලාවට සහමුලින්ම බලරහිත කෙනෙක් බවයි.

මේකට හොඳම උදාහරණය තමයි ජාත්‍යන්තර පාසල්. මේවා ගැන බොහෝ ප්‍රශ්න කාළයක් තිස්සේම පැන නැගෙමින් තිබුනා. නමුත් මෙයින් ආසන්නම සිද්ධිය වුනේ සමහර පාසල්වල 4 වන වසරේ පෙළපොතක් විදියට යොදාගත් පොතක අඩංගු පාඩමක් ගැනයි.

"Mum's new boyfriend" ඒ කියන්නේ "අම්මාගේ අලුත් බෝයි ෆ්‍රෙන්ඩ්" කියන මේ පාඩ​මෙන් තියෙන්නේ අම්මා ගෙදර එක්කගෙන එන බෝයි ෆ්‍රෙන් ඩ් කෙනෙක් දූවරු දෙන්නාට හඳුන්වා දුන්නම ඒ අය ඒකට මුහුණ දෙන ආකාරය ඉගැන්වීම​. තුන් දෙනාගේ කණ්ඩායම් හැදිලා දූවරු දෙන්නා සහ බෝයි ෆ්‍රෙන් ඩ් විදියට ඒ අවස්ථාව රඟ දක්වා පෙන්වන්නටත් තිබුණ බවයි කියන්නේ.

"My Mom's new Boyfriend" චිත්‍රපටියේ දර්ශනයක්. (2008)

ඒ වගේම අම්මාට අලුත් බෝයි ෆ්‍රෙන් ඩ් කෙනෙක් ලැබීමේ හොඳ සහ නරක ගැනත් සාකච්ඡා කරන්න නියමිතව තියෙනවා. (ඒක නම් අහන්න තියෙන්නේ අම්මගෙන් කියල තමයි කියන්න වෙන්නේ)

මෙම සිදුවීමේ ප්‍රශ්න සහිත තැන් දෙකක් අපි දකිනවා.

1. ලංකාවේ පාසල් අධ්‍යාපනය තියෙන්න ඕන අධ්‍යාපන ඇමතිතුමා සහ අමාත්‍යාංශයේ අධීක්‍ෂණය යටතේ කියලා අපි විශ්වාස කරනවා. ඒ දැන් ඉන්න ඇමතිතුමා ගැන තියෙන විශ්වාසයකට නෙවෙයි. නමුත් අධ්‍යාපනය වගේ ක්ශේත්‍රයක පාලනය රජයෙන් සම්පූර්ණයෙන් ගිලිහෙන එක ගැටලුවක් නිසා. පෞද්ගලික පාසල්, ජාත්‍යන්තර පාසල් තිබීමේ කිසිම ගැටලුවක් නැහැ. නමුත් ඒවා අධීක්‍ෂණය කරන්න අමාත්‍යාංශයට බලය තියෙන්න ඕන​. දැනට මේවා ක්‍රියාත්මක වෙන්නේ බිස්නස් විදියට ඒ වගේම ආයෝජන ප්‍රවර්ධන මණ්ඩලයේ අවසර යටතේ බව තමයි කියන්නේ. නමුත් ඕනෑම අධ්‍යාපන ආයතනයක් ගැන කටයුතු කරන්න අධ්‍යාපන හෝ උසස් අධ්‍යාපන අමාත්‍යාංශවලට අයිතියක් තියෙන්න ඕන​.

නැත්නම් වෙන්නේ ජාත්‍යන්තර පාසල් ඕන ඕන විදියට නටන එක​. දැන් වෙන්නෙත් ඒකම තමයි. දැන් පවතින තත්ත්වයේ හැටියට බන්දුල ගුණවර්ධන නෙවෙයි ඔහුගේ අතිජාත මිත්‍රයා වන සක්කරයාගේ පුත් වයිමාටවත් ජාත්‍යන්තර පාසල්වලට ඇඟිලි ගහන්න බෑ.

2. සදාචාරාත්මක​, සුචරිතවාදී පැත්තෙන් මේ ප්‍රශ්නය දිහා බලන අය කියන්නේ මේ දේවල් පාසල්වල ඉගැන්වීම සදාචාරයට අනුගත නැති බව​. මීට විරුද්ධ අදහස් දරන අය කියන්නේ මේ වගේ සිදුවීම් සමාජයේ සිද්ධ නෙවෙනවා නෙවෙයි කියන එක​. ඒ නිසා ඒ වගේ දේවල් ගැන ළමයි අවබෝධයෙන් ඉන්න එක හොඳයි ලු. ඇත්තෙන්ම අපට ප්‍රශ්නය තියෙන්නේ මේ වැනි දේවල් උගන්වන එක පාසැලෙන් කිරීම​. මේවා පෞද්ගලික ප්‍රශ්න මිස පාසැලේදි කියා දෙන්න ඕන දේවල් නෙවෙයි. පෞද්ගලික කාරණා සම්බන්ධයෙන් ළමයින් එක්ක ගනුදෙන කරන්න ඕන දෙමාපියන්. පාසැලක ගුරුවරු නෙවෙයි. එයින් අදහස් වෙන්නේ නෑ ළමයින් ගැන ගුරුවරු හොයන්න ඕන නෑ කියලා. විශේසයෙන් ප්‍රශ්න තියෙන ළමයි ගැන ගුරුවරු අවධානයෙන් ඉන්න ඕන​. නමුත් ඒ එක් එක් ළමයින් ගැන වෙන වෙනම සැලකීමක් මිස පොදුවේ කටයුතු කිරීමක් නෙවෙයි.

උගන්ඩාවෙ පිරිමින්ගෙ සයිස් එකට කොන්ඩම් පොඩි වැඩිලු

උගන්ඩාව කියන්නේ ඒඩ්ස් රෝගයෙන් දරුණු ලෙස බැටකන රාජ්‍යයක්. මේ රටේ ඒඩ්ස් පැතිරීම පාලනය කිරීමට පියවර තුනක් සහිත ABC කියන වැඩසටහන ක්‍රියාත්මක වෙනවා. A කියන්නේ Abstinence, එහෙමත් නැත්නම් වැළකීම​. B කියන්නේ Be faithful, එහෙමත් නැත්නම් අවංක වීම​. කොටින්ම කිව්වොතින් අවලමේ නොයෑම​. C කියන්නේ Condomize, එහෙමත් නැත්නම් කොන්ඩම් පාවිච්චිය​.

නමුත් ඒ රටෙන් වාර්තාවෙන විදියට රටේ වෙලඳපොලේ ගන්නට තියෙන කොන්ඩම් එහෙ මිනිස්සුන් ගෙ ශිෂ්නවල දිග පළලත් එක්ක ගැලපෙන්නේ නෑ ලු. ඒ කියන්නේ ඒ කොන්ඩම් සයිස් පොඩි වැඩියි. මෙයින් එක සයිස් එකක් සම්පූර්ණයෙන්ම වගේ පාවිච්චියට ගන්න බෑ ලු.

අසාමාන්‍ය විදියට පොඩි හරි ලොකු හරි නැත්නම් පිරිමියෙකුගේ ලිංගයේ සයිස් එක ගෑණියකට ප්‍රශ්නයක් වෙන්නේ නැහැ. ගෑණු කෙනෙකුගේ යෝනිමාර්ගය හැදිලා තියෙන්නේ ඒ ඕන එකකට හැඩගැහෙන්න පුලුවන් විදියට​. අනික ගෑණුකෙනෙක් සතුටු කරන්න පුලුවන් ඕක ඇතුලට දාලා පැලෙන්න ගහලාම නෙවෙයි.

නමුත් ආරක්සා සහිතව ලිංගික එක් වීමකදි කොන්ඩම් පාවිච්චි කරද්දි නම් සයිස් එකට ගැලපෙන කොන්ඩම් ගන්න ඕන​. කොන්ඩම් සයිස් එක පොඩි වුනොත් ඒක පැලෙන්න පුලුවනි. ලොකු වුනොත් කොන්ඩම් එක හැලෙන්න පුලුවනි. මේ වගේ ලොකු වැඩි වගේම පොඩි වැඩි කොන්ඩම් කියන දෙකම ප්‍රශ්නයක්.

සාමාන්‍යයෙන් ආසියාතික රටවල මිනිස්සුන් ගෙ ලිංගය අප්‍රිකානු අයට වඩා කුඩායි. සාමාන්‍ය නිර්ණායකවලින් කොන්ඩම් හැදුවහම​, ගොඩක් ආසියාතික අයට ඒවා ලොකු වෙන්න පුලුවන් වගේම අප්‍රිකාවේ ගොඩක් අයට ඒවා පොඩි වෙන්න පුලුවන්.

උගන්ඩාවෙ ඒඩ්ස් රෝගී ප්‍රතිශතය 1990 ගණන්වල මුල් කාලෙ රටේ ජනතාවගෙන් පහෙන් එකක් පමණ වුනා. මෑතකදී ඒක සියයට 6-7 ප්‍රමාණයේ තිබුණා. අර වැඩසටහන ඒකට ලොකු උපකාරයක් වුනා. නමුත් දැන් එයින් කොටස කරන්න අමාරු වෙලා තියෙන්නේ සයිස් ප්‍රශ්නයක් නිසා.

අඩ නිරුවත් 'ඇමතිවරිය​' හමුදා ඇඳුමෙන් විළි වසාගනී

ඉරිනා ෆිලතෝවා කියන නම ඇතැම්විට ඔබට මතක ඇති. අපි ඇය ගැන කතා කලා මීට කලකට පෙර​. ඈ යුක්‍රේනයෙන් වෙන්වූ බවට ප්‍රකාශයට පත් කරගත් ජනරජ දෙකෙන් එකක​, එනම් ලුහාන්ස්ක් මහජන ජනරයයේ, ඇමතිවරියක ලෙස (පසුව තහවුරු කරගත් විදියෙන් විදෙස් ඇමති ලෙස​) දිවුරුම් දුන්නා.

නමුත් ඈ 'ජනප්‍රිය' වුනේ එයින් පසුව ඇගේ කියාපු පින්තූර වගයක් පිට වීමෙන්. මේ පින්තූර කාළයකට කලින් ගත්තු පින්තූර වගයක් බව හෙළි වුනා. මේවායේ ඉරිනා ෆිලතෝවා බිකිනියක් ඇඳගෙන විවිධ ඉරියව්වලින් පෙනී ඉන්නවා. ඒ විතරක් නෙවෙයි, සමහර පින්තූරවල බිකිනි පෑන්ටිය විතරක් ඇඳන් ඉන්න ඉරිනා ෆිලතෝවාගෙ දෙතන වැහෙන්නේ එයාගෙ දෙඅතින්.

මෑතකදි ඉරිනා නැවත කරලියට ආවා. ඒ අගෝස්තු 25 වනදා. ඒ යුක්‍රේනයේ නිදහස් දිනය​. එදා ලුහාන්ස්ක්වල 'සහෝදර ජනරජය​' එහෙමත් නැත්නම් ඩොනෙට්ස්ක් මහජන ජනරජයේ අගනුවර බවට ප්‍රකාශයට පත් කර ඇති ඩොනෙට්ස්ක් නගරයේ මේ වෙනුවෙන් උත්සවයක් තිබුණා. එහිදී යුක්‍රේන හමුදාවේ යුධ සිරකරුවන්ව වීදි දිගේ ගෙනියනු ලැබුනා.

මේ අවස්ථාවේ ඉරිනා ෆිලතෝවා ඇඳගෙන හිටියේ අර පින්තූරවල වගේ බිකිනියක් නම් නෙවෙයි. ඒ වගේම අතේ තියෙන්නේ බෝතලයකුත් නෙවෙයි. ඒ වෙනුවට හමුදා නිල ඇඳුමක් ඇඳගෙන තුවක්කුවකුත් අතින් අරන් ඉරිනා පෙළපාලියේ යනවා. මේ විස්තරය වාර්තා කරලා තිබ්බේ විදෙස් වෙබ් සයිට් එකක​.

යට ඇඳුමට නම දාලා වෙච්ච අබග්ගය​

බ්‍රිතාන්‍යයේ කාන්තා යට ඇඳුම් සමාගමක් වන ඈන් සමර්ස් සමාගමට පොඩි අකරතැබ්බයකට මුහුණ දෙන්න වුනා. ඔවුන් මෑතකදී අලුත් වෙලෙඳ නාමයකින් යුතු යට ඇඳුම් පෙළක් හඳුන්වා දුන්නා. කරුමෙට වගේ ඔවුන් එයට නම තබා තිබුණේ අයිසිස් (Isis) යනුවෙන්.

අවාසනාවකට වගේ මේ දවස්වල අයිසිස් යන නම අහපු ගමන් මතකයට එන්නේ සිරියාව සහ ඉරාකය යන රටවල ක්‍රියාත්මක වන සහ විශාල ප්‍රදේශයක් පාලනය කරන ඉරාකයේ සහ සිරියාවේ ඉස්ලාමීය රාජ්‍යය යන සංවිධානයේ (Islamic State of Iraq and Syria - ISIS) නම​. මේ නිසා ඈන් සමර්ස් සමාගමට සිදු වුනා මේ නම පාවිච්චි කිරීම පිළිබඳ කණගාටුව පළ කරන්න​. නමුත් ඒ නම වෙනස් කරන්නට ඔවුන් කටයුතු කළේ නැහැ.

මෙම සිද්ධියේදි සමාගම මත වරද පටවන්න පුලුවන්කමක් නැහැ. මොකද ඔවුන් මේ නම තෝරාගත්තේ මීට මාස ගණනකට පෙර​. ඒ සරුබව පිළිබඳ ඊජිප්තු දෙවඟන වන අයිසිස් දෙවඟනගේ නමින්. ඒ වනවිට අයිසිස් කියන ඉස්ලාමීය සටන්කාමීන් ගැන බටහිර රටවල එතරම් කතාබහට ලක් වුනේ නැහැ.

කණගාටුවට කාරණාව වන්නේ සමාගමේ තේරීම නෙවෙයි. නමුත් මීට මාස කිහිපයකට පෙර අයිසිස් කියන සංවිධානයක නම බටහිර රටවල ජනප්‍රිය නොවීම​. අයිසිස් දෙවඟන ගැන යමක් දැන හිටියා හෝ නැතුවා හෝ ඒ නම මාර්කට් කරන්න බැරි කමක් මීට මාස කීපයකට පෙර බටහිර රටවල තිබුණේ නැහැ.

නමුත් අයිසිස් සංවිධානය මීට වසර කිහිපයක සිට සිරියාවේ ක්‍රියාත්මක වුනා. ඔවුන් සිරියාවේ ජනපති අසාඩ්ට එරෙහි කඳවුරේ කුඩා කොටසක් වුනා. ටිකෙන් ටික ඔවුන් අනෙක් අය අභිබවා සිරියාවේ අසාඩ් විරෝධී කඳවුරේ ප්‍රධානම ක්‍රියාකාරිකයා බවට පත් වුනා.

මේ ක්‍රමවේදය අන්තවාදී සංවිධාන පාවිච්චි කලේ පළමු වරට නෙවෙයි. වඩා ප්‍රබල මධ්‍යස්ථ පිරිස්වලට එකතු වෙලා හෙමින් සීරුවේ ඒ ව්‍යාපාර තමුන් නතු කරගැනීම අද ඊයෙ පාවිච්චි කරපු උපායක් නෙවෙයි.

අයිසිස් සංවිධානය සිරියාවේ විශාල ප්‍රදේශයක් පාලනය කරන්නේ 2013 පමණ ඉඳන්. නමුත් මෑතක් වෙනකල් බටහිර වැසියන් දැනගෙන හිටපු අයිසිස් එකක් නැහැ. මොකද කොච්චර අන්තවාදියො වුනත්, ඔවුන් සිරියාවට එරෙහිව සටන් කරනකල් බටහිර නායකයන්ට ඒ අය ගැටලුවක් වුනේ නෑ. ප්‍රශ්නය මතු වුනේ, ඉරාකයේ බටහිර ගැති රූකඩ පාලනයට අයිසිස් එක තර්ජනයක් වුනාම​.

අයිසිස් එකත් ඕක නොදැන හිටියා වෙන්න බෑ. ඔවුන් හොඳට අවි ආයුධවලින් සන්නද්ධ වෙලා, පිරිස වැඩි කරගන්නකල් ඉරාකයට ගහන්න ගියේ නෑ. නමුත් දැන් ඔවුනට තවත් බලා ඉන්න අවශ්‍ය නෑ. අයිසිස් සංවිධානය දැන් බොහොම ප්‍රබලයි.

අයිසිස් දෙවඟන හෝරස් කියන දේවතාවාගෙ අම්මා බවයි ඊජිප්තු දේවකතාවල සාමාන්‍යයෙන් කියන්නේ. මේ නිසා අයිසිස්ව බොහෝ තැන්වල හෝරස්ට කිරි පොවන ආකාරයෙන් දක්වලා තියෙනවා. අද කාලෙ නම් වෙන්නේ වෙනත් දෙයක්. බටහිර රටවල් අයිසිස් එකට මෙච්චර කල් කිරි පෙව්වා. දැන් ඇති පදම් ශක්තිමත් වෙලා අයිසිස් එක බටහිර රටවලට පහර දෙනවා.

ඈන් සමර්ස් සමාගම 'අයිසිස්' නමින් යට ඇඳුම් පෙලක් එළි දැක්වීම මෙච්චරම ආන්දෝලනයක් ඇති කළේ මෑතකදී අයිසිස් එක විසින් මාධ්‍යවේදියකු අමානුෂික අයුරින් මරා දැමීමත් එක්ක​. ඒ වගේම ඔහුගේ බෙල්ල කපා දමන්නේ බ්‍රිතාන්‍ය ජාතික අයිසිස් සාමාජිකයකු කියන ආරංචියත් එක්කම කතාව තවත් සංකීර්ණ වුනා. ඈන් සමර්ස් කම්පැණියත් තියෙන්නේ බ්‍රිතාන්‍යයේ නිසා.

ඇත්තෙන්ම එහෙම නොවුනා නම් ඈන් සමර්ස් එකෙන් අයිසිස් යට ඇඳුම් අරන් අඳින සුද්දියන්ට ඉරාකයේ සහ සිරියාවේ බලය පතුරවන අයිසිස් එකක් නම් මතක් වෙන්න ඉඩක් තිබ්බා කියන්න අමාරුයි.

පුටින් හදවත ළඟින්

ව්ලැඩිමීර් පුටින් කියන්නේ රුසියාවේ ජනාධිපතිවරයා පමණක් නෙවෙයි. ඒ රටේ ජනප්‍රියම දේශපාලකයාද වෙනවා. 2012 ජනාධිපතිවරණයෙන් පස්සෙ ගතවෙච්ච කාළය තුල ජනප්‍රියත්වය අඩු වුනාට මේ වෙනකොට ඔහුගේ ජනප්‍රියත්වය ආපහු වැඩි වෙලා තියෙනවා. මීට යුක්‍රේනය පිළිබඳ ඇතිවෙලා තියෙන අර්බුදය හේතු වුනා. බටහිර රටවල ජනතාව පුටින්ට එරෙහි වුනාට රුසියාවේ වැඩි පිරිසකගේ වීරයෙක් බවට ඔහු පත්වෙලා තියෙනවා.

රුසියාව විසින් මෑතකදී ඈඳා ගත්තු ක්‍රිමියාවෙ ළඟකදි පවත්වන ලද ටව්රිඩා ජාත්‍යන්තර තරුණ හමුවේදි සමහර තරුණියන් ඇඳගෙන හිටපු නාන ඇඳුම් මේ දේශප්‍රේමය සහ පුටින්වාදය ඉස්මතු කරන අලුත්ම සාධකයක් වුනා.

මේ නාන ඇඳුම්වල උඩ කොටසෙ පුටින් ගේ උඩුකය දක්වන රූප දකින්න තිබුණා. මේ ගැන අදාල උත්සවය සඳහා වන වෙබ් අඩවියෙ සඳහන් කරලා තිබුනේ "අපේ සුන්දර තරුණියන් මේ අවස්ථාවේ පුටින් කෙරෙහි වන ඇල්ම පෙන්නුම් කරන්න තමන් ගෙ ළමැදේ ඔහුගේ රූපය පෙන්වන්න තීරණය කළා" කියන අදහසයි.

මේ තරුණියන් ඇඳන් ඉන්න බිකිනි බ්‍රා වල පුටින් ගෙ රූපය තියෙන්නෙ වම් පැත්තේ. ඒ කියන්නෙ හදවතට ළඟින්. මේ නාන ඇඳුම්වලට යොදලා තියෙන නමත් පුටින් සහ බිකිනි කියන දෙක එකතු කරපු "පුටින්කිනි" කියන නම​.

රුසියානු කාන්තාවන් පුටින්ගෙ දේශපාලන වැඩපිළිවෙලට සහය දක්වන බව මේ විදියට තම හදවත ළඟින්ම පුටින් ඉන්න පින්තූරයක් දැක්වීමෙන් පෙන්වන්න ඔවුන් උත්සාහ කරනවා.

නමුත් සමහර කාන්තාවන්ම මේ "තනේ දේශප්‍රේමය​" විහිලුවට ලක් කරලා තියෙනවා.

ඔන්න ඉතින් දේශප්‍රේමයකත් හැටි!

හැම ගමකම කෙල්ලක් දූෂණය වෙන්න ඕනද​?

කලකට පස්සේ ආපහු ලියන්නට අවස්ථාවක් ලැබුණා. කලින් දවසක හෝ දෙකක යම් යම් දේවල් ලියන්න හිතාගෙන හිටියත් වෙලාවක් ලැබුණේ නෑ.

අද අපේ අසල්වාසී භාරතයේ, නැත්නම් ඉන්දියාවේ, ජාතික දිනය​. ඉන්දියාවට අලුත් අගමැති කෙනෙක් ලැබිලා වැඩි දවසක් නෑ. ඒ වගේම පහුගිය දවස්වල ඉන් දියාවේ නිතර නිතර ස්ත්‍රී දූෂණ වාර්තා වුන බව මතක ඇති.

අද මේ සිද්ධීන් ගැන මතක් වුනේ අගමැති මෝඩි නිදහස් දින කතාවෙදි කියාපු දේවල් දෙකක් නිසා. එකක්, ඔහු කිව්වා ස්ත්‍රී දූෂකයන් ඔක්කොමල්ලා කාගේ හෝ පුත්‍රයින් නිසා දෙමාපියන් ඒ තම දරුවන් ගැන ඇස ගසාගෙන සිටීම මගින් යම් පාලනයක් කරන්න පුලුවන් බව​. මේ අදහසේ මූලික අර්ථය පැහැදිලියි. දෙමාපියන් දරුවන් ගැන හැකි හැම වෙලාවක ඇහැ ගහගෙන ඉන්න අවශ්‍යයි. දරුවන් වැඩිමහලු වුනාට පසුව වුනත්.

දැන් එතකොට ඊළඟ ප්‍රශ්නය එන්නේ කවුද එතකොට තාත්තලා නැත්නම් සීයලා ගැන හොයලා බලන්නේ කියන එක​. මොකද ස්ත්‍රී දූෂණ සේරම කරන්නේ තරුණ අය නෙවෙයි. අනෙක පසුගිය දිනයක ගම් සභාවක නියෝග මත තරුණියක් දූෂණය කළ කතාව අනුව පෙනෙන්නේ ගම්මානවල නායකයින් පවා අවිශ්වාස බවයි. තත්වය එහෙමනම් දරුවන් දිහා ඇහැ ගහගෙන හිටියාටම ප්‍රමාණවත් වෙනවාද​?

නමුත්, අගමැතිගෙ කතාව වරදක් නැහැ. දෙමාපියන් දරුවන් ගැන ඇහැ ගහගෙන සිටීම එසේ නොසිටීමට වඩා බොහොම හොඳයි. එයින් නරකක් නම් වෙන්නේ නැහැ.

අගමැති මෝඩි ප්‍රකාශ කරපු අනික් කාරණයක් වුනේ රටේ සියලු පාසල්වලට ක්‍රමවත් වැසිකිලි පහසුකම් ලබාදෙන්න කටයුතු කරන බව​. ඉන්දියාවේ බොහෝ පලාත්වල මිනිසුන්ට තවම මේ පහසුකම් නැහැ. ඒ නිසා මෙය ඉතා හොඳ පියවරක්.

මෑතකදී උත්තර් ප්‍රදේශ් ප්‍රාන්තයේ ගමක ගැහැණු ළමයින් දෙදෙනෙක් දූෂණය කරලා ගහක එල්ලා දමා තිබුණේ එලිබහින්න ගිය වෙලාවෙ ඇදගෙන ගිහිල්ලා කියලයි කියවුනේ. මේ සිද්ධිය වෙලා තිබුනේ ගමේ ගෙවල්වලට වැසිකිළි නැති නිසා. ඒ නිසා තමයි මේ දෙන්නාව අල්ලාගෙන යන්න පහසු වෙලා තියෙන්නේ.

දැරියන් දෙදෙනා එල්ලා දමා තිබූ ගස​

දැන් මෙයින් කියවෙන්නේ නෑ හැම ගැහැණු කෙනෙක්ම දූෂණය වෙන්නේ තනියෙන් කොහේ හෝ අනාරක්‍ෂිතව යද්දි කියලා. ඒ නිසා ඒ විදියට බලන්න බැහැ. නමුත් මේ සනීපාරක්‍ෂාව ගැන තියෙන ප්‍රශ්නය ලොකු ප්‍රශ්නයක් විශේෂයෙන් ඉන්දියාවෙ.

දැනට ටික දිනකට පෙර ලැබුණ තොරතුරකට අනුව යම්කිසි රාජ්‍ය නොවන සංවිධානයක් අර කියාපු ගමේ ජනතාවට වැසිකිළි හදා දෙන්න කටයුතු කළා. ඒක ඉතා වටිනා දෙයක්. නමුත් ගැටලුව ඕක නෙවෙයි. ඒ වගේ ව්‍යාපෘති ඔතනින් නවතිනවාද​?

ඒ කියන්නේ, ඉන්දියාවේ හැම ගමකටම වැසිකිළි ලැබෙන්න නම් හැම ගමකම කෙල්ලක් දූෂණය වෙනකල් බලාගෙන ඉන්න වෙනවාද​?

බොදු බල සේනාව සහ ඇමරිකාව​

පසුගිය දිනවල බොදු බල සේනාව යන බෞද්ධ කියා කියාගන්නා අන්තවාදී සංවිධානය ශ්‍රී ලංකාවේ සාමයට තර්ජනයක් වෙන විදියේ කලහකාරී කටයුතුවල නිරත වුනා. ඒ විතරක් නෙවෙයි, එයිට පස්සෙ එහෙම කිසි දෙයක් කලේ නෑ කියලත් ප්‍රකාශ කල බව දකින්න ලැබුණා.

බොදු බල සේනාව ක්‍රියාත්මක වන ආකාරය ගත්තහම එයට ඇමරිකාවේ සම්බන්ධයක් නැහැ කියල හිතන්න අමාරුයි. මේ ගැන නම් වැඩිපුර කතා කරනවා අපි දැකලා නෑ. නමුත් එය වැදගත් දෙයක්... සාකච්ඡා කල යුතුමයි.

ඇමරිකාව සහ බොදු බල සේනාව අතර සම් බන් ධය කෙලින්ම තියෙන එකක් වන්නත් පුලුවන්, වක්‍ර එකක් වෙන්නත් පුලුවන්. ඒ ගැන උපකල්පන පමණයි තියෙන්නෙ. මොකද අපට හරියටම කියන්න බැරි නිසා. නමුත් ඒ උපකල්පන ගැන හොයාබලන්න වෙනවා.

එකක් තමයි මේ දෙගොල්ලො අතරෙ තියෙන්න පුලුවන් ඍජු සම්බන්ධය​. ඒ කියන්නෙ බටහිර රටවල් බොදු බල සේනාව අතකොලුවක් විදියට පාවිච්චි කිරීම​. යුද්ධයක් ඉවර වෙලා සාමය පිහිටෙව්වාට පසුවත් ආපහු මේ රටේ ප්‍රශ්න ඇති කිරීම සමහරුන් ගෙ බලාපොරොත්තුවක් බව පේනවා. ඒ බලාපොරොත්තුව ඉටු කරගන්න ලේසිම ක්‍රමය තමයි මෙහෙ ඉන්න එවුන් ටිකකට සල්ලි ටිකක් දීලා ආගම්වාදය​, ජාතිවාදය පතුරවන්න අනුබල දෙන එක​.

මේ වෙනකොට මුස්ලිම් අන්තවාදය පතුරවන ප්‍රධානම රට බවට පේන්න තියෙන්නෙ සවුදි අරාබිය​. නමුත් සවුදිය සහ ඇමරිකාව අනිත් පැත්තෙන් යාලුවො. ඒ කියන්නෙ දෙගොල්ලො එකතුවෙලා තමයි මේ විදියට ලෝකය පුරා අන්තවාදය පතුරවන්නෙ.

හොඳයි බොදු බල සේනාවට ඇමරිකාවෙ උදව් ලැබෙන්නෙ නැහැ කියමු. එහෙම වුනත් එතන ඇමරිකන් සම්බන්ධයක් තියෙනව වෙන්න පුලුවන්.

ලංකාවෙ බෞද්ධ අන්තවාදයක් කියල කියන එකක් පතුරවලා ඒ මගින් මුස්ලිම් අන්තවාදය වැඩි දියිණු වෙන්න කරුණු සැලැස්සුවහම ආණ්ඩුවට පුලුවන් ඇමරිකාවෙන් උදව් ඉල්ලගන්න​. ඇමරිකාවත් කැමති වෙයි උදව් කරන්න​. එතකොට ජිනීවාත් ඉවරයි.


මේකත් කොයි තරම් දුරට වෙන්න පුලුවන් දෙයක්ද කියන්න අපි දන්නෙ නෑ. නමුත් වෙන්න බැරි දෙයක් නෙවෙයි.

අද බුරුමයේ මුස්ලිම් අයට ගහන එක ගැන ඇමරිකාව සද්ද නෑ. අවුන්ග් සාං සූකයි වත් සද්ද නෑ. අද ඇමරිකාවයි බුරුමෙයි බොහොම යාලුවො මිත්‍රයො වගේ ඉන්නවා.

රටක් දියුණු වෙනවා නම් කිසිම රටකට ඕනෑවට වඩා ළං වෙන්නත් හොඳ නෑ. ඕනවට වඩා ඈත් වෙන්නත් හොඳ නෑ. ඒක මතක තියාගන්න ඕන​.

අනෙක රටේ සාමය ගැන මුලින්ම කටයුතු කරන්න ඕන​. එහෙම නම් අන්තවාදී සංවිධාන ඕනෑම එකක් මර්ධනය කරන්න ඕන​.

සෝවියට් දේශය ආපහු නිර්මාණය කරන්න හදන පුටින්

මේ දවස්වල බටහිර ජනමාධ්‍යවලින් දිගටම පහර දෙන නායකයෙක් තමයි රුසියානු ජනාධිපති ව්ලැඩ්මීර් පුටින්. සමහර බටහිර ජනමාධ්‍ය කියන්නේ පුටින් නැවත සෝවියට් දේශය නිර්මාණය කරන්න යන බවයි.

නැවත සෝවියට් දේශයක් නිර්මාණය කරන්න පුටින්ට ඇත්තෙන්ම අවශ්‍යද කියල වෙනමම කතා කරන්න ඕන කාරණාවක්. අපිට පෙනෙන්න තියෙන විදියට පැරණි සෝවියට් දේශය ආපහු නිර්මාණය කිරීම සෙල්ලම් වැඩක් නෙවෙයි. අනික පුටින් ගෙනියන දේශපාලනය තුළ ඒ වගේ දේකට ඉඩක් නැහැ.

මොකද සෝවියට් දේශය නිර්මාණය වුනේ එක අදහසක් මත​. පුතින් දේශපාලනේ කරන්න වෙනත් මතවාදයක් මත​.

සෝවියට් දේශය නිර්මාණය වුනේ නිර්ධන පන්තියේ ආඥාදායකත්වය කියන මතවාදය මත​. එතනදි ජාතිකවාදයට වඩා වැදගත් වුනේ පන්ති සටන කියන සංකල්පය​. මේක ඇත්තෙන්ම සිද්ධ වුනේ වෙනස් විදියට​. ඒ කියන්නෙ බලාපොරොත්තු වෙච්ච සර්ව සාධාරන සමාජවාදී සමාජයක් සෝවියට් සමූහාණ් ඩුවෙ ඇති වුනේ නැහැ. ඒ වගේම සෝවියට් දේශයේ සුලු ජාතීන් ගෙ එක් චෝදනාවක් වුනේ රුසියානු ජාතිකයන් විසින් ඔවුන් පහත හෙලන බවත් රුසියානු සංස්කෘතිය බලෙන් ඔවුන් මත පටවන බවත්.

පුටින් දේශපාලය කරන්නේ රුසියානු ජාතිකවාදය මත ඉඳගෙන​. සෝවියට් දේශය වගේ ජාතීන් අතර සමානතාව වගේ දේවල් නෙවෙයි පුටින් කියන්නේ. යුක්රේනයෙන් ක්‍රිමියාව ගලවලා ගන්න පුටින්ට උදව් වුනේ රුසියානු ජාතිකවාදය​. නමුත් නැගෙනහිර යුක්රේනයේ අනෙක් ප්‍රදේශ එහෙම එක සැරේ ගලවලා ගන්න පුටින් කටයුතු කළේ නැහැ. පුටින් බොහොම හෙමින් ගමනක් යන කෙනෙක්.

සමහරවිට අනාගතේදි පැරණි සෝවියට් දේශයේ රුසියාවෙන් පිට රුසියානුවන් වැඩිපුර ඉන්න පළාත් දිහාට රුසියාවේ අවධානය වැඩිපුර එල්ල වෙන්න ඉඩ තියෙනවා. ඒ වගේම රුසියාව එක්ක මිත්‍රත්වයෙන් ඉන්න බෙලෝරුසියාව සහ කසක්ස්ථානය වගේ රටවල් එක්ක සම්බන්ධතා වැඩි වෙනවා. ඒත් බටහිර එක්ක වැඩිපුර එකතු වෙලා ඉන්න රටවල්වලට අමතර බලපෑම් කරන්න පුටින් උත්සාහ කරන එකක් නැහැ. මොකද ඒක ඔහුට පාඩු වෙන කාරණයක් නිසා.

පැරණි සෝවියට් දේශයක් ආපහු නිර්මාණය කරන්න හදනවා කියන්නේ වෙන්න බැරි දෙයක්. ඒ බව දැනගෙන ඒ බව කියන එක නැති භීතියක් ඇති කරන්න කරන උත්සාහයක්.

ඉතාලියානු ඇමතිවරියගේ ජී-ස්ට්‍රිං පෑන්ටිය​

මාරියා එලේනා බොෂි ඉතාලියේ කැබිනෙට් මණ් ඩලයේ ව්‍යවස්ථා ප්‍රතිසංස්කරණ සහ පාර්ලිමේන්තු සම් බන් ධීකාරක ඇමතිනිය ලෙස කටයුතු කරනවා. ඉතාලියේ අලුත් අගමැති මටෙයෝ රෙන්සිගේ කැබිනෙට් මණ් ඩලයේ සිටින කාන්තාවන් පිරිසෙන් ඇයත් එක්කෙනෙක්. මාරියා තවම වයස අවුරුදු 33 ක තරුණියක්. එයාගෙ උපන් දිනය 1981 ජනවාරි 24 වනදා.

පෙබරවාරි මාසයේ අලුත් ඇමතිවරුන් දිවුරුම් දීම සිද්ධ වුනේ මේ අවුරුද්දෙ පෙබරවාරි 22 වනදා. එයින් ටික දවසකින් පස්සෙ ඉන්ටර්නෙට් එකේ මාරියා බොෂිගේ පින්තූරයක් ජනප්‍රිය වුනා.

මේ පින්තූරයේ හැටියට මාරියා මේසයක් දිහාවට නැමීගෙන ලියවිල්ලකට අත්සන් කරද්දි එයාගෙ කලිසම පහත් වෙලා යටට ඇඳගෙන ඉන්න පෑන්ටිය පේනවා. මේ සාමාන්‍ය ජංගියක් නෙවෙයි. පිටිපස්සෙන් තට්ටම් දෙක මැදින් යන්තම් වැහෙන​ ජී-ස්ට්‍රිං එකක්. මේ විදියෙ ජංගි ඇඳපුවාම අඳින කෙනාගෙ පස්ස එළියෙ බව අමුතුවෙන් කියන්න ඕන නෑ. මේ වගේ ජංගි අඳින්නෙ ටිකක් කාමුක ගැහැණු බව තමයි සාමාන්‍ය මතය​.

නමුත් මේ ෆොටෝ එක දිහා බලාපුවාම මේක ඇත්ත පින්තූරයක් නොවන බව පැහැදිලිවම පේනවා.

අනික, මාරියා ඇඳන් ඉන්න පෑන්ටිය එයාට ගැලපෙන්නෙත් නෑ වගේ. :) ඔච්චර ෆැෂන් කරන කෙල්ලෙක් එහෙම එකක් අඳීවිද කියලත් ටිකක් දුරදිග හිතුවොත් කෙනෙක්ට හිතෙන්න පුලුවනි. (නමුත් එයාගෙ නිල්පාට ඇඳුම කොහොමත් එයාට නොගැලපෙන බවට චෝදනා මාධ්‍ය ඔස්සේ එල්ල වුණා)

මේ තියෙන්නෙ ඔරිජිනල් පින්තූරය​. අනිවාර්යයෙන් මේක ෆොටෝශොප් කරලා තමයි උඩ තියෙන පෑන්ටිය පේන ෆොටෝ එක හදලා තියෙන්නෙ.

Women of China වෙබ් සයිට් එක කියන විදියට මේ පින්තූරය මුලින්ම එළියට ආවෙ චීනයේ වෙයිබෝ සමාජ ජාලය හරහා. ඒ පෙබරවාරිවලදිම තමයි. නමුත් මේක ඉන්ටර්නෙට් එකෙන් පැතිරුනේ ඊට පස්සෙ.

මේකෙන් පෙන්වන්නේ ඕනම පින්තූරයක් දිහා විපරමෙන් බලන්න ඕන බවයි.

ඒ වගේම Women of China වෙබ් සයිට් එකනම් කියන විදියට කාන්තාවන් වැදගත් තැන්වලට එන එක නුරුස්සන​, ගෑණුන් පහත් කරලා සලකන කෙනෙක් මේක හදන්න ඇති ලු. නැති විසේකාරකමක් පෙන්වලා ඒ ගෑණු කෙනා වගකීමක් ගන්න නුසුදුසු බව පෙන්වන්න හදනවා කියලා තමයි ඔවුන් කියන්නේ.

සමහරවිට මේ ෆොටෝශොප් එක කරපු කෙනා තනිකරම විහිලුවක් කරන්න බලාපොරොත්තු වෙන්න ඇති. නමුත් ෆොටෝ එක දැකලා ශෙයාර් කරපු, ප්‍රසිද්ධ කරපු අයගෙන් කොටසක් හරි ඇමතිවරිය වල් ගෑණියක් කියන හැඟීමෙන් ඒක කරන්න ඇති. ඒකෙ සැකයක් නැහැ.

මේක ෆොටෝශොප් කරපු කෙනාට කරන්න තිබුණ අනිත් වැඩේ තමයි මාරියා බොෂිගෙ ජංගියත් ගලවලා යටට අඳින්නෙ නැති වල් ගෑණියක් කියලා අඟවන එක​! (පහල පින්තූරෙ ඉන්න ඩැනියෙල් ලිනෙකර්ට කලකට කළින් වුනා වගේ. ඒ නම් ඇත්තම පින්තූරයක්)

මාරියා බොෂිගේ ෆොටෝ එකෙන් පේනවා ෆොටෝශොප් දන්න කෙනාට තියෙන බලේ. ටික වෙලාවකට හරි ඇමතිවරියකගේ ජංගිය පෙන්නන්න පුලුවන් වෙන කාටද​? නමුත් මේකෙන් පේනවා ඉන්ටර්නෙට් එකේ තියෙන හැම කෙහෙල්මලම විශ්වාස කරනවාට වඩා ඒ ගැන විපරමින් බලන්න පුරුදු වෙන්න ඕන කියන එක​.

අහිංසක කෙල්ලක් වල් කෙල්ලක් කළාට පස්සෙ ඒ කෙල්ලගේ චරිතය ආයෙ හදන්න අමාරුයි. ඒ බව කවුරුත් දැනගන්න ඕන​. අනික මේ වගේ මෝඩයෝ නිසා ඉන්ටර්නෙට් එකේ නියම අගය නැති වෙන බවත් අපි මතක් කරන්න ඕන​.

සම්මානය ගන්න 'හෙලුවෙන්' ආපු රිහානා

සුප්‍රසිද්ධ ගායිකාවක වන 26 හැවිරිදි රිහානා, බටහිර ලෝකයේ සිටින සරාගීම ගායිකාවක්. ඒ වගේම ඈ කළක පටන්ම නිතර නිතර එයාගෙ ඇඟ පෙනෙන්න ඇඳුම් අඳින්න පටන් ගත්තා. ඒ වගේම සඟරාවල ෆොටෝවලටත් බාගෙට හෙලුවෙන් පෙනී හිටියා. නමුත් ළඟදි දවසක එයා වෙනදාටත් වඩා කැපී පෙනන විදියට ප්‍රසිද්ධියේ පෙනී හිටියා.

ඇමරිකාවේ මෝස්තර නිර්මාණකරුවන් ගේ සංගමයේ වාර්ෂික සම්මාන උත්සවය ජූනි 2 වනදා පැවැත්වුනා. මෙහිදී රිහානාටත් මෝස්තර නිරූපණය සඳහා වන විශේෂ සම්මානයක් ලබා දුන්නා. මේ අවස්ථාවට රිහානා ආවේ අපූරු ඇඳුමක් ඇඳගෙන​.

දැල් රෙද්දකින් මහපු ඇඳුමෙන් රිහානාගේ ඇඟේ ඉස්සරහ පැත්තෙන් බොහෝ කොටසක් වැහෙනවා. පස්ස පැත්තෙන් නම් පිට සම්පූර්ණෙන්ම වගේ එළියෙ තියෙන්නේ. ඇඟට ගාණට මහපු ඇඳුමෙන් රිහානාගෙ ඇඟේ හැඩය ලස්සනට පෙනෙනවා. මේ ඇඳුම ඒකට අල්ලාපු ක්‍රිස්ටල් නිසා දිලිසෙනවා. හැබෑ ලස්සනයි.

ඔලුව වැහෙන්න දාපු බැන්ඩනා එකත් ක්‍රිස්ටල් නිසා දිලිසෙනවා. ඒකෙන් රිහානාගෙ මූණෙ ලස්සන තවත් කැපිලා පේනවා.

නමුත් එක හේතුවක් නිසා ඇඳුම වඩාත් කතාවට ලක් වුනා. රිහානාගෙ ඇඳුම සම්පූර්ණයෙන් දුහුල්. ඒ වගේම එයා හමේ පාටට ඇඳපු ජී-ස්ට්‍රිං ජංගියෙන් එයාගෙ පස්ස වැහෙන්නේ නෑ. ඒ විතරක් නෙවෙයි, බ්‍රා එකක් ඇඳලා නැති නිසා කෙල්ලගේ තන් දෙක එළියේ වගේ.

මේ නිසා රිහානාගෙ ඇඳුමෙන් එයාගෙ ලැජ්ජාව යන්තම් වැහෙනවා විතරයි.

රිහානගේ ඇඟේ තියෙන ටැටූ සෙට් එකෙන් වැඩිහරියක් පේනවා.

ඇඟම වගේ වැහෙන නිසා අඳුරෙදි මේ ඇඳුමෙ ලොකු අවුලක් නෑ. නමුත් එළිය තියෙන තැනකට ආවම ආයෙ හංගන්න දෙයක් රිහානට ඉතුරු වෙන්නෙ නෑ. ඇයි ඉතින් තනයි පුකයි සේරම එළියෙ නෙ?

සමහර පින්තූරවල පෙනෙන විදියට නම් හිතෙන්නෙ මේ ඇඳුම ඇඳන් ආවට වැඩිය හොඳයි අමු හෙලුවැල්ලෙන්ම ආවා නම් කියලා; යෝනිය වහගන්න ඕනම නම් ජී-ස්ට්‍රිංග් ජංගිය ඇඳන් වෙන ඇඳුමක් නැතුව එන්න තිබුණා. නමුත් එහෙම ආවා නම් මේ වගේ ලස්සනට ඉන්න එකක් නම් නැහැ.

පහුගිය කාලෙ රිහානා පුක එළියෙ දාගෙන ෆොටෝ වගයකට පෙනී හිටියා. පස්සෙ දවසක තන් දෙකත් එළිය දාගෙන ප්‍රංශ සඟරාවක පෙනී හිටියා.

දැන් රිහානට ඉතුරු වෙලා තියෙන්නෙ යෝනිය පෙන්නන්න විතරයි. ළඟදිම එයා ඒකත් කරාවි කියලා හිතෙනවා.​

ජංගිය අමතක වූ කුමරිය​

බ්‍රිතාන්‍යයේ කේට් කුමරියට මෑතකදී ලොකු අකරතැබ්බයකට මුහුණ දෙන්න වුනා. ඇත්තෙන්ම මේ සිද්ධිය වෙලා තියෙන්නෙ අප්‍රේල් මාසයේ. නමුත් මේ ගැන එළි වුනේ දවස් කීපයකට කළින් ජර්මනියේ බිල්ඩ් කියන සඟරාව හරහා.

කේට් මිඩ්ල්ටන් නැත්නම් කේම්බ්‍රිජ් හි ආදිපාදවරිය කියන්නේ එක්සත් රාජධානියේ විලියම් කුමාරයාගේ බිරිඳ බව බොහෝ දෙනෙක් දන්නවා. මේ දෙදෙනා විවාහ වුනේ 2011 අප්‍රේල් මාසයේ. 2013 ජූලි වෙද්දි මේ දෙදෙනාට පුතෙකුත් ලැබුණා. රාජකීය යුවළත් පුංචි පුතාත් අප්‍රේල් මාසයේ නවසීලන්තයේ සහ ඔස්ට්‍රේලියාවේ සංචාරය කළා.

ඔස්ට්‍රේලියාවෙදි කේට් කුමරිය මුහුණ දුන් අකරතැබ්බය ගැන බිල්ඩ් සඟරාව කියන්නේ මෙහෙමයි. "පින්තූරවලින් පෙනෙන්නේ අපේ ප්‍රියතම ආදිපාදවරිය​, 32 හැවිරිදි කේට්, ඔස්ට්‍රේලියාවේ නීල කඳුකරයේදී. රාජකීය හෙලිකොප්ටරයේ අවරපෙති කැරකී අවට වායු ධාරා කළඹද්දී ඇගේ ඇඳුම එසවුනේ ඇගේ පියකරු නිතඹ අපට ප්‍රදර්ශනය කරමින්"

කේට්ගේ නිරාවරණය වූ නිතඹ​

මැයි 27 උදෑසන පිටවූ බිල්ඩ් ටැබ්ලොයිඩ් පුවත්පත මේ පින්තූරය තනිව පළ කළේ නැහැ. එය පළවී තිබුණේ කේට් කුමරිය තවත් අපහසුතාවයට පත් කරන විදියට​. ඒ කිම් සහ ක්ලෝයි කර්ඩශියාන් සහෝදරියන් දෙන්නාගේ පස්සවල් පෙනෙන පින්තූර දෙකකුත් එක්ක​.

මේ තුන් දෙනාගේම නම් පටන් ගන්නෙ ඉංග්‍රීසි K අකුරුවලින් වීමත් විශේෂයක්. ඒක නිසාම ඕනකමින් කර්ඩශියාන් අක්කා නගෝ දෙන්නාගේ පස්සවල් තෝරගත්තාද දන්නේ නැහැ. නමුත් ඒක අහම්බෙන් වෙන්න ඇති කියලා පින්තූරවලට දාපු කැප්‍ෂන් එකෙන් පේනවා. "ක්ලෝයි, කිම් සහ කේට්, පහුගිය දවස්වල​ අප පිස්සු වැට්ටූ පුකවල්" කියලා තමයි ඒ කැප්‍ෂන් එකේ තිබ්බේ.

"ක්ලෝයි, කිම් සහ කේට්, පහුගිය දවස්වල​ අප පිස්සු වැට්ටූ පුකවල්"

ක්ලෝයි කර්ඩශියාන් පස්ස පෙන්නගෙන ඉන්න පින්තූරය ගැන කතාව

ආරංචි විදියට මේ ෆොටෝ ගත්තු ශිල්පියා ඒවා බ්‍රිතාන්‍ය මාධ්‍යවලට දීලා තියෙනවා. නමුත් අනාගත රැජිණකගේ පස්ස පෙන්වන පින්තූර බාරගන්න ඔවුන් බැහැ කියලා. ඉන් පස්සෙ කේට් කුමරියගේ නිරුවත් පස්ස පැත්තෙ පින්තූරයකට හොඳම මිල දෙන්න කැමති වුන ආයතනයට ඒ පින්තූර විකුණලා තියෙන්නෙ.

මේ අනුව බ්‍රිතාන්‍ය රජකුමරියගේ හෙලුව පෙන්වන පින්තූරයකට වැඩිම මිලක් දීලා තියෙන්නේ ජර්මන් පත්තරයක්. එංගලන්ත රජ පවුල පැරණි ජර්මන් රජපවුලටත් නෑකම් කියන බව කියනවා.

මීට කළින් කේට් කුමරිය කසාද බැඳලා ටික කාලයකින් විලියම් කුමාරයා එක්ක නිවාඩුවක් ගත කරද්දි එයාගෙ තන් දෙකත් පොඩි බිකිනි පෑන්ටියකින් වැහුන පස්සත් පේන ෆොටෝ වගයක් හොරෙන් අරන් තිබුණා. ඒ ගැන නම් රජපවුල නීතියෙ පිහිට බලාපොරොත්තු වුනා. මොකද ඒ වෙලාවෙ පෞද්ගලික අවස්ථාවක් හොරෙන් පින්තූර ගහපු නිසා.

නමුත් මේ සිද්ධිය ගැන නම් රජපවුලට මුකුත් කියන්න බැරිවෙයි. අනාගත රැජිණක් ඇඳුම් ගැන මීට වඩා සැළකිලිමත් වෙන්න ඕන නෙ. සදාකල් පවතිනවා කියලා කියන බ්‍රිතාන්‍ය රජපවුලෙ අනාගත රැජිණක් ඇඳුම් ගැන නොසැලකිළිමත් වීම කොහොමටත් සුදුසු නැහැ. ජංගියක් අඳින්න බැරිනම් අඩු ගණනෙ හුළඟෙ යන්නෙ නැති ඇඳුමක්වත් අඳින්න තිබුණානෙ. ඒ ගැන ෆොටෝ ගත්තු කෙනා මොකක් කරන්නද​?

යුද්ධයේ ආදීනව සිහි කරමින්

මේ වසර යුරෝපා ඉතිහාසයේ වැදගත් වසරක්. මොකද නාසි ජර්මනියට එරෙහි යුද්ධයේ මිත්‍ර රටවලට වාසි වෙච්ච වැදගත් අවස්ථා ගණනාවක 70 වන සංවත්සරය මේ අවුරුද්දේ යෙදිලා තියෙන නිසා.

එයින් ප්‍රධානම අවස්ථාවක් වෙන්නේ ජුනි 6 වෙනිදාට යෙදෙන නෝර්මැන් ඩි වෙරළට ගොඩ බැසීමේ සිදුවීමේ 70 වන සංවත්සරය​. ඊට අමතරව ජනවාරි 27 වනදා රුසියාව එයාලාගෙ රටට වැදගත්ම වුන සංවත්සරයක් සැමරුවා. ඒ ලෙනින් ග්‍රෑඩ් නගරය නිදහස් කරගැනීමේ 70 වන සංවත්සරය​.

මේ අතර ඉතාලියේ සිදු වෙච්ච වැදගත්ම සටනක​, ඒ කියන්නේ මොන්ටෙ කැසීනෝ සටනේ 70 වන සංවත්සරය ළඟදි සමරනු ලැබුණා. මේ සංවත්සරයට ප්‍රධාන අමුත්තා විදියට ආවෙ බ්‍රිතාන්‍යයේ හැරී කුමාරයා.

මේ අවස්ථාවෙ එහි තියෙන සොහොනට ගිය හැරී කුමාරයා එහි ටික වේලාවක් ඇවිද්දා.

මේ සොහොන් කොත් පේළි දෙක මැද්දෙන් වැටුණ පාර දිගේ හැරී කුමාරයා හැරෙන්නෙ නැතිව යන්නේ යුද්ධයේ ආදීනව සිහි කරමින් වගේ.

යුද්ධය කියන්නේ මහා සාපයක්. ඒ බව හැරී කුමාරයාට මේ සොහොන් බිමේදි වැටහෙන්න ඇති.

මොන්ටෙ කැසීනෝ කියන්නේ රෝමය කිට්ටුව තිබුණ සාන්ත බෙනඩික්ට් නිකායෙ ආරාමයක් සහිත කන් දක්. මේ ආශ්‍රිතව 1944 වෙච්ච මහා සටන නිසා මියගිය සහ තුවාල ලබාපු ගණන 75,000 ක් වත් වන බව කියවෙනවා.

මගේ ලොවට හිරු වඩින තුරා...

බටහිරින් එන හිරු එළියෙන් සඳලුතලය නැහැවී ඇත​. එපමණක් නොව​, ඈත පෙනෙන කඳු වළල්ලද​, ඊට මෑතින් වන නගරයේ ගොඩනැඟිලිවල රත් පැහැති පියසිද හිරු එළිය වැටී ඒකාලෝක වී ඇත​. ඇත්තෙන්ම එය මනස්කාන්ත දසුනකි.

මේ මනස්කාන්ත දසුන දෙස සඳලුතලයේ සිට බලා සිටින්නී තරුණ ලලනාවකි. ඇගේ තඹ පැහැයට හුරු කෙටි කෙස් වැටිය පිටමත වැටී හිරු එළියෙන් පැහැපත් වී ඇත​. ඈ හැඳ සිටින සුදුවන් ගවොම ඇගේ සිහිනිඟ සහ පුලුලුකුළ මනාව මතුකර දක්වයි. පිටිපසින් ඈ දකින ඕනෑම පුරුෂයකු ඇගේ ස්ත්‍රී ලාලිත්‍යයෙන් මුසපත් නොවන්නේ නම් අරුමයකි.

ඈ මේ සූදානම්ව සිටින්නේ ඇගේ වැඩිමහල් සොයුරියගේ විවාහය වෙනුවෙනි. ඈ සොයුරියගේ දෙවන මනාලියයි. මේ සතුටුදායක දිනයේ ඇගේ මතකයට නැඟෙන්නේ ඇගේ බිඳවැටුන විවාහයයි. ඒ මතකය ඈ සිත හඬවයි. එහෙයින් ඈ මෙසේ තනිවී ඈත ක්‍ෂිතිජය දෙස බලා සිටී.

ඇගේ විවාහය සිදුවූයේ ඉතා ලහි ලහියේය​. ඉක්මන් කොට බව එකළ ඇයට වැටහීමක් නොවීය​. ඇගේ සැමියාගේ උත්තුංග දේහය ඈ වශී කළේය​. ඔහුද ඇගේ ස්ත්‍රී ලාලිත්‍යයෙන් වසඟ විය​. ඔවුන් මුලින් හමුවී ඉතා කෙටි කළකින් විවාහය සිදු විය​. එවකට ඇගේ වයස අවුරුදු 24 කි. තරුණකම සහ ලිංගික ආකර්ෂණය විසින් විවාහය ඉක්මන් කළේය​.

විවාහය යනු කුමක්දැයි ඇයට වැටහුනේ විවාහ වූ පසුවයි. ඒ වැටහීම කෙතරම් සාර්ථක වැටහීමක් වී දැයි ඈ නොදන්නීය​. මක් නිසාද යත් ඒ වැටහීම කෙළවර වූයේ දෙදෙනා අතර නොගැලපීමෙන් වීම හේතුවෙනි.

අද විවාහ වන ඇගේ වැඩිමල් සොයුරිය මේ වනවිටත් මවකි. ඇගේ සැමියා වන්නේ ඒ දරුවාගේ පියාය​. නමුත් ඔවුන් අවුරුද්දකටත් වඩා එකට දිවි ගෙවූහ​. විවාහයට යන්නේ ඉන් අනතුරුවය​. ඔවුන් ස්වාමියා සහ භාර්යාව බවට පත් වන්නේ මව් පිය පදවි ලැබුවාටත් පසුවය​.

තමනුත් එසේ කළේ නම් වෙන්වීම එතරම් පීඩාකාරී දෙයක් නොවන්නට ඉඩ තිබුණි යයි දැන් ඇයට සිතෙනවා ඇත​. නමුත් අතීතය පිළිබඳ පසු තැවීම එතරම් සුභදායක නොවන බවද ඈ දනී. ඉහිරුණ කිරට හඬන්නේ මුග්ධ පුද්ගලයෝය​.

ඈ එසේ නොවන්නීය​. ඈ බලා සිටින්නේ ඇගේ කුමාරයා පැමිණ ඈ ගෙන යනතුරුය​. ඇගේ ස්ත්‍රී ලාලිත්‍යයට ලොල්ව ඇගේ පහස විඳගැනීමට එන පිරිමියෙකුට වඩා දැන් ඈ බලා සිටින්නේ ඇගේ හදවතට ලොල්ව එන පිරිමියකු පැමිණෙනතුරුය​.

පිරිමින් ගේ පහස ඈ අප්‍රිය නොකරයි. එමෙන්ම තමාගේ පහස පිරිමියකු විඳ ගැනීමද ඇයට ගැටලුවක් නොවන්නේය​. සිය සහෝදරිය මෙන්ම ඇයද සිය අඟපසඟ උලුප්පා දක්වමින් ලෝකයම උමතු කරන්නට ප්‍රිය කරයි. ගැහැණුන්ට ලොල් ඕනෑම පිරිමියෙක් ඇගේ නිතඹ දුටුවහොත්, අඩු ගණනේ එය පිරිමදින්නට හෝ සිහින දකින බව ඈ දනී. ඇගේ සිතැඟි පිරිමියකුට සිය සිරුර විවර කිරීමට ඈ අකැමත්තේ නොවේ.

එහෙත්, වෙන්වීමේ පීඩාවෙන් බැට කා සිටින ඇයට දැන් අවැසි වන්නේ මානසික සුවයයි. ඇගේ හදවත උණුවන හදවතක පහස සොයයි. ඒ හදවත ඇති කුමාරයා එනතුරු ඈ බලා සිටී.

*සුප්‍රකට නිළි සහ නිරූපිකා කිම් කර්ඩශියාන් ඉතාලියේ ෆ්ලොරෙන්ස් නගරයේ විවාහ වූ අතර ඇගේ සොයුරිය ක්ලෝයි කර්ඩශියාන් සිය ඉන්ස්ටග්‍රෑම් වෙබ් පිටුව හරහා මෙම ඡායාරූපය පළකලාය​. මේ එම ඡායාරූපය ඇසුරින් කළ නිර්මාණයකි.

ජනපති ඩාර්ත් වේඩර්

යුක්‍රේනයේ පෙබරවාරි මාසයේ සිදු වෙච්ච ආණ්ඩු පෙරළියෙන් පස්සෙ ඒ රටේ පවත්වන ලද පළමු ජනාධිපතිවරණය ඊයේ පැවැත්වුනා. එහිදී කලින් විචාරකයන් බලාපොරොත්තු වූ තරඟකරුවා පහසුවෙන්ම මැතිවරණය ජයගත්තා.

මේ ජනාධිපතිවරණයට එක්තරා අමුතු තරඟකරුවෙක් ඉදිරිපත් වෙන්නට බලාපොරොත්තු වුනත් ඔහුට තරඟ කරන්න අවස්ථාව ලබා දුන්නේ නැහැ. ඒ ඩාර්ත් වේඩර් නමින් තමන්ව හඳුන්වාගත් පුද්ගලයෙක්.

ස්ටාර් වෝර්ස් චිත්‍රපට මාලාවේ එන ඩාර්ත් වේඩර් වගේ වෙස් මූණක් පැළඳගෙන කලුපාට ඇඳුමක් ඇඳගත්තු ඩාර්ත් වේඩර් යුක්‍රේන ජාතිකයෙක්. ඔහු පසු කාළයක ඔහ්ගේ නම ඩාර්ත් වේඩර් ලෙස වෙනස් කරගෙන​. ඒ වගේම ඔහු යුක්‍රේන ඉන්ටර්නෙට් පක්ෂය නම් දේශපාලන පක්ෂයකුත් පිහිටුවා ගත්තා.

ජනාධිපතිවරණයට ඉදිරිපත් නොවුනාට ඩාර්ත් වේඩර් කීව් සහ ඔඩෙස්සා නගරවල නගරාධිපති ධූර සඳහා ඉදිරිපත් කරපු නාම යෝජනා පිළිගැනුනා.

මේ අතරේ, මැතිවරන දිනය දා මෙයාට වෙනමම අබග්ගයකට මූණ දෙන්න සිදුවුනා. ඡන්දය දෙන්න ගිය වෙලාවේ තම වෙස්මූණ ගලවන්න අකැමති වූ නිසා ඔහුට ඡන්දය දෙන්න නිලධාරීන් ඉඩ දීලා නෑ.

මේ ඩාර්ත් වේඩර් ජනාධිපති වුනා නම් යුක්‍රේනයම පිස්සුවක් වගේ පෙනෙන්න ඉඩ තිබ්බා. නමුත් එයාට අර උඩ ඉන්න කට්ටියට අමතරව​ මේ වගේ බොඩි ගාර්ඩ්ලා ටිකක් හොයාගන්න පුලුවන් වුනානම් කතාව මීට වඩා ගොඩක් ලස්සන වෙන්න ඉඩ තිබුණා.